rKTs

e-texts navigator

Volume

Page

70b₁ pa gang yin pa de ni de bzhin gshegs pa'o/ /bde ba bde ba zhes bya ba ni ji ltar chom rkun gyis 'jigs nas lam bde bar 'gro ba bzhin du thar pa ni de lta ma yin te/ rang bzhin gyis bde ba de la ni 'jigs pa'i ming yang med de/ de bas na bcos ma ma yin pa'i
70b₂ bde ba ni thar pa'o/ /thar pa gang yin pa de ni de bzhin gshegs pa'o/ /sems can thams cad la bde ba byed pa ni de bzhin gshegs pa'o/ /gnyen po med pa gnyen po med pa zhes bya ba la gnyen po med pa zhes bya ba ni ji ltar rgyal po shir dogs shing 'jigs
70b₃ pa bzhin du thar pa ni de lta ma yin te/ thar pa ni ye rang bzhin gyis gnyen po med pa'o/ /gnyen po med pa zhes bya ba ni 'khor los sgyur ba'i rgyal po lta bu ste/ de la gzhan slar 'jigs par byed nus pa su yang med de yod mi srid do/ /de bzhin du thar pa la yang thar pa'i
70b₄ chos gzhan zlar gyur pa med de yod mi srid do/ /thar pa gang yin pa de ni de bzhin gshegs pa'o/ /de bzhin gshegs pa chos kyi 'khor lo bskor ba la ni sgra gzhan med de/ de bas na de bzhin gshegs pa dgra bcom pa yang dag par rdzogs pa'i sangs rgyas
70b₅ ni gnyen po med pa'o/ /thar pa gang yin pa de ni de bzhin gshegs pa'o/ /mya ngan med pa mya ngan med pa zhes bya ba ni gang la mya ngan med pa ste/ ji ltar rgyal po dkrugs ma byed pa'i rgyal po gzhan gyis rgyal srid phrogs te/ yul 'khor bcom zhing bshig pa
70b₆ na shin tu mya ngan gyis thebs pa bzhin du mya ngan las 'das pa ni de lta ma yin te/ ji ltar rgyal po gzhan gyis ma tshugs te dgra dang bral bar gyur nas mya ngan med pa bzhin du thar pa thob pa rnams kyang mya ngan med pa'o/ /thar pa gang yin pa de ni mya ngan las 'das pa'o/ /mya
70b₇ ngan las 'das pa gang yin pa de ni de bzhin gshegs pa'o/ /mya ngan dang bral ba mya ngan dang bral ba zhes bya ba ni ji ltar bud med rang gi bu dmag tu song nas shi'o zhes thos pa las phyir 'ongs pa mthong nas mya ngan dang bral bar 'gyur ba bzhin du mya ngan las 'das pa ni de lta ma

_{iiif viewer powered by OpenSeadragon}

70a - 71a

Texts on this page