| e-texts navigator |
| བོད་ཡིག |
70a1 ni de bzhin gshegs pa ste/ de bzhin gshegs pa la yang nad kyi bag yong med na chos kyi sku la nad ga la yod/ de bas na de bzhin gshegs pa ni nad med pa'o/ /'chi ba med pa 'chi ba med pa zhes bya ba ni gang la mi'i lus bzhin du 'chi
70a2 ba med pa'o/ /de ni thar pa yin te/ de la ni dus 'di tsam gyis na zad pa'i mthar 'gyur ba'am/ 'chi ba'i mthar 'gyur ro/ /zhes bya ba'i ming yang med de 'chi ba dang bral ba ni thar pa'o/ /thar pa gang yin pa de ni de bzhin gshegs pa'o/ /de lta bu'i yon tan
70a3 dang ldan pa la 'chi bar 'gyur ba zhes bya ba de ni mi srid de/ sku rdo rje ltar mkhregs pa mi rtag par ga la zhig 'gyur te/ de bas na 'chi ba med pa ni de bzhin gshegs pa'o/ /nyon mongs pa can nyon mongs pa can zhes bya ba la thar pa ni nur nur po mi gtsang bas ma rung bar gyur
70a4 pa ma yin te/ thar pa ni ji ltar me tog ku mu da dkar po bzhin du gsal ba'o/ /thar pa gang yin pa de ni de bzhin gshegs pa'o/ /'dod pa'i nyes pa sna tshogs bstan pa ni thabs yin par blta bar bya'o/ /de bas na de bzhin gshegs pa ni nyon
70a5 mongs pa can ma yin pa'o/ /zag pa med pa zag pa med pa zhes bya ba ni/ rma med pa'i don te/ de ni thar pa yin no/ /thar pa gang yin pa de ni de bzhin gshegs pa ste/ de bas na zag pa med pa zhes bya'o/ /gnod pa med pa gnod pa med pa zhes bya ba
70a6 ni ji ltar bkres pas g.yos byed pa ma mthong na gnod par 'gyur ba de bzhin du thar pa ni de lta ma yin te/ gnod pa med pa gang yin pa de ni thar pa'o/ /thar pa gang yin pa de ni de bzhin gshegs pa'o/ /zhi ba zhi ba zhes bya ba ni 'jig rten pa rnams kyi ni lha'i
70a7 gzugs la zhi ba zhi ba zhes bya bas na de ni te/ thar pa ma yin no/ /rang bzhin gyis zhi ba gang yin pa de ni thar pa ste/ gang gi phyir sems can thams cad kyi zhi ba'i mchog yin pas na/ de'i phyir zhi ba zhes bya'o/ /zhi ba gang yin pa de ni thar pa'o/ /thar
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo