| e-texts navigator |
| བོད་ཡིག |
69b1 pa de thar pa'o/ /thar pa gang yin pa de ni de bzhin gshegs pa ste ma byung ba'o/ /de bzhin gshegs pa ni ma byung ba kho na ste de bzhin gshegs pa ni myu gu yod pa dang / med par 'gyur ba bzhin du yongs su brtag par mi bya'o/ /de bzhin gshegs pa ni rang
69b2 bzhin gyis ma byung ba ste/ de bas na ma byung ba'o/ /ma byung ba zhes bya ba ni ma byas pa'o/ /ma byas pa zhes bya ba ni ji ltar grong khyer dang / grwa'i yang tog dang / sgo khang byed pa de bzhin du thar pa ni de lta ma yin te/ ma byas pa gang yin pa de ni thar pa'o/ /
69b3 de ni de bzhin gshegs pa'o/ /'dus ma byas 'dus ma byas zhes bya ba ni ji ltar rdza mkhan gyis snod byas nas/ de'i 'og tu zhig par 'gyur ba bzhin du thar pa ni de lta ma yin no/ /thar pa ni skye ba yang med/ 'gag pa yang med do/ /thar pa gang yin pa de
69b4 ni de bzhin gshegs pa ste/ skye ba yang med/ 'chi ba yang med do/ /gang ma skyes pa dang / ma zhi ba dang / rga ba med pa dang / 'chi ba med pa dang / 'dus ma byas pa de ni de bzhin gshegs pa ste/ de bas na de bzhin gshegs pa ni yongs su mya ngan las
69b5 'das pa chen por 'gro ba'o/ /rga ba med pa dang / 'chi ba med pa zhes bya ba ni mgo dkar ba dang / rga ba dang / na ba dang / 'chi ba'i chos dang 'dus byas kyi rang bzhin gyi rtog pa de lta bu ni thar pa ma yin gyi/ gang la gong du smos pa rnams med pa ni thar pa yin te/
69b6 de bas na rga ba med pa zhes bya'o/ /thar pa gang yin pa de ni de bzhin gshegs pa ste/ de bzhin gshegs pa la ni mgo dkar ba dang / rga ba dang / 'dus byas rnam par 'gyur ba med do/ /de bas na de bzhin gshegs pa ni rga ba med pa'i sku yin na
69b7 'chi bar lta ga la 'gyur/ nad med pa nad med pa zhes bya ba ni glo bur gyi nad bzhi brgya rtsa bzhis gnod par gyur pa dang / nyes dmigs du ma dang ldan pa'i lus gang la med pa de lta bu'i rang bzhin te/ de bas na thar pa ni nad med pa'o/ /thar pa gang yin pa de
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo