| e-texts navigator |
| བོད་ཡིག |
69a1 slad du lags/ bka' stsal pa/ 'od srung chen po dang rus gcig pa dper na 'du shes med 'du shes med min gyi lha rnams kyi lus ni gzugs dang gzugs med pa yin la/ gzugs yin no zhes byar yang mi rung ba bzhin no/ /gsol
69a2 pa/ 'du shes med 'du shes med min gyi lha rnams gzugs dang / gzugs ma mchis pa lags la gzugs kyang ma lags na/ de dag ji ltar mchis pa dang / ji ltar rgyu ba bstan du gsol/ bka' stsal pa/ 'di ni sangs rgyas kyi yul yin te/ nyan thos
69a3 dang rang sangs rgyas kyi yul ma yin gyis zhog shig / de bzhin du thar pa yang gzugs dang gzugs med pa yin la/ gzugs kyang ma yin pas na sangs rgyas kyi yul yin gyi/ nyan thos dang rang sangs rgyas kyi yul ma yin no/ /gsol pa/ bcom
69a4 ldan 'das de bzhin gshegs pas yongs su mya ngan las 'das pa chen po'i tshul gyis thar pa bstan du gsol/ bka' stsal pa/ rigs kyi bu legs so legs so/ /thar pa zhes bya ba ni 'ching ba thams cad dang bral ba'o/ /yang bka' stsal pa/
69a5 thar pa zhes bya ba gang yin pa de ni ma skyes pa'i phyir de ni 'ching ba thams cad dang shin tu bral ba ste/ ji ltar pha ma phrad pa'i yon tan las bu skye ba de bzhin du skyes pa ma yin te/ thar pa ni rang gi yul du gnas pa'o/ /ma skyes pa zhes bya ba ni 'di ltar mar gyi snying khu
69a6 rang bzhin gyis rang gi ngo bo nyid du 'dug pa de bzhin du de bzhin gshegs pa ni yab yum 'khrig pa las byung ba yang ma yin la/ de bzhin gshegs pas ni gdul bar bya ba'i dbang gis yab yum gnyis kyang bstan to/ /thar pa gang yin pa de ni de bzhin gshegs
69a7 pas te ma byung ba byung ba'i phyir ro/ /dper na sran sde'u'am/ sran gre'u dpyid zla ra ba'i ngo'am/ dbyar gyi dus sam/ ston zla tha ngo la sa bon btab na/ de dag las myu gu 'byung bar 'gyur ba de bzhin du thar pa ni de lta ma yin no/ /ma byung ba gang yin
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo