| e-texts navigator |
| བོད་ཡིག |
68b1 dug gis phog pa'i sems can shin tu rmas pa thams cad kyi zug rngu rnams theg pa chen po'i mdo'i sde tshan sna tshogs kyi dge ba'i rtsa ba'i sman rnams kyis gso bar mdzad do/ /gsos nas kyang de rnams mya ngan las bzlas te gang na sems can rmas pa rnams yod pa der bcom
68b2 ldan 'das yang dag par snang bar 'gyur ro/ /de bas na mya ngan las 'das pa chen po ni yang dag pa'i don la rton pa yin no/ /yongs su mya ngan las 'das pa chen po zhes bya ba ni srid pa thams cad na thar pa'i grong khyer gyi tshig yin te/ gang na 'dul bar bya ba rnams
68b3 yod pa der rdzogs par sangs rgyas par snang ba 'di ni tshig grags pa'o/ /gsal ba'o/ /yang dag pa'i don ni yongs su mya ngan las 'das pa chen po zhes bya'o/ /gsol pa/ bcom ldan 'das ci lags/ sman pas rmas pa thams cad sos par bgyis nas yul
68b4 dang / grong khyer dang / yul 'khor dang / rgyal po'i pho brang 'khor gzhan gang na rmas pa rnams mchis pa der snang bar 'gyur ro/ /zhes bgyi lags sam/ bka' stsal pa/ rigs kyi bu srog chags rmas pa thams cad kyi nad gso bar byed ces de skad ma zer
68b5 cig / gsor mi rung ba'i sems can gzhan rnams ni gso bar mi byed do/ /de ci'i phyir zhe na/ de dag gi nad ni gsor mi rung ba yin te/ de dag de bzhin du de bzhin gshegs pa ni gsor mi rung ba'i nad 'dod chen pa ma gtogs pa nad thams cad gso bar
68b6 mdzad de/ gang mya ngan las 'das pa de dag gsos pa yin no/ /gsol pa/ thar pa ji lta bu lags/ gzugs can lags sam/ gzugs ma mchis pa lags/ bka' stsal pa/ kha cig ni gzugs can no/ /kha cig ni gzugs can ma yin pa ste/
68b7 gzugs can ma yin pa ni nyan thos dang rang sangs rgyas rnams kyi'o/ /sangs rgyas bcom ldan 'das rnams kyi ni gzugs can yin no/ /thar pa de ni gzugs dang gzugs med pa yin la/ gzugs yin no zhes byar yang mi rung ngo / /gsol pa/ ci'i
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo