rKTs

e-texts navigator

Volume

Page

68a₁ ma'i tshogs rnams dang / ri rnams dang / dus dang / sprin rnams kyang med de/ skye ba'i rgyun chad pa 'chi ba dang / na ba dang / rga ba dang / srid pa nyi shu rtsa lnga spangs pa sdug bsngal gyi rnam pa dang nyon mongs pa dang bral ba ste/ de bzhin gshegs
68a₂ pa rtag pa dang / brtan pa dang / bde ba dang / mi g.yo ba dang / gnas med pa ni yongs su mya ngan las 'das pa ste/ der 'gro ba'i phyir deng de bzhin gshegs pa grong khyer chen por gshegs so/ /chen po zhes bya ba dang / che ba zhes bya ba ni don gcig go/ /chen po zhes bya
68a₃ ba ni lhag ma dang bcas pa'i tshig te/ 'di na mi la la tshe dpag tu med par gyur na mi de skyes bu chen po zhes bya ba'i grangs su gtogs te/ gal te chos dang ldan na mi de skyes bu thams cad kyi mchog yin no/ /yang 'dir skyes bu chen po'i rnam par rtogs pa brgyad kyis skyes
68a₄ bu gcig pur 'gyur te/ skyes bu chen po du ma yod pa'i nang na gang la skyes bu chen po'i rnam par rtogs pa brgyad yod pa de ni skyes bu chen po thams cad kyi nang na yang skyes bu chen po'o/ /zhes ngas bshad pas na de'i phyir che ba zhes bya'o/ /lhag ma dang bcas pa'i mya ngan las 'das
68a₅ pa zhes bya ba la gang la sman byed pa de ni mya ngan las 'das pa zhes bya'o/ /de ci'i phyir zhe na/ rigs kyi bu dper na/ 'di na mi la la zhig gdug pa'i zug rngus phog ste/ bab rdo'i gnod pas thebs nas bab rdo'i gnod pas thebs pa'i mi de zug rngu 'byin pa'i sman pa
68a₆ chen po zhig gis gsos te/ gdug pa'i zug rngu bsal nas bde bar byas te de gnod pa med par snga mkho bzhin du byas nas sman pa des mi de bor te yul gzhan nam/ grong gzhan nam/ khyim gzhan gang na rmas pa yod pa dang / gang na rma'i las byar yod pa de na gnas pa de
68a₇ bzhin du de bzhin gshegs pa dgra bcom pa yang dag par rdzogs pa'i sangs rgyas sman pa chen po zug rngu 'byin pas kyang 'dzam bu'i gling pa'i sems can bskal pa bye ba phrag grangs med pa tshun chad nas 'dod chags dang zhe sdang dang / gti mug la sogs pa nyon mongs pa'i

_{iiif viewer powered by OpenSeadragon}

67b - 68b

Texts on this page