| e-texts navigator |
| བོད་ཡིག |
66a1 'dra ba ma yin te/ mchog tu rtag pa gang yin pa de ni de bzhin gshegs pa ste/ de bas na mya ngan las 'das pa ni rtag tu mchog tu bde ba yin no/ /rigs kyi bu gzhan yang mar me'i gnas dang 'dra ba ni dgra bcom pa yin te/ de bas na mya ngan las 'das
66a2 pa'i gnas dgra bcom pa nyid thob pa ni 'bras bu'i mchog ces bya'o/ /dgra bcom pa thams cad ni zang zing la zhen pa dang bral te/ zang zing med pa dang / mar me'i gnas bzhin du mthar thug pa dang / zang zing med pa la dga' ba yin no/ /phyir mi 'ong ba yang zang zing med
66a3 pa'i don yin par ngas dgongs pa'i tshig gis bstan te/ mya ngan las 'das pa'i gnas ni ma yin no/ /gsol pa/ phyir mi 'ong ba zhes bka' stsal pa de'i don ci lags/ bka' stsal pa/ yang srid pa mi len pa gang yin pa de ni phyir mi 'ong ba zhes bya'o/ /gsol pa/ bcom
66a4 ldan 'das phyir mi 'ong ba zhes bgyi ba lags na/ phyir mi 'ong ba gang lags pa de la yang / yang srid pa len pa mchis par 'gyur na/ ci'i slad du phyir mi 'ong ba yang slar 'di rang bzhin gyis mi gtsang ba'i srin bu 'tshal ba'i lus can du skye bar mi 'gyur lags/ bka'
66a5 stsal pa/ lus de ni mi len mod kyi dug sman bzhin du lus len to/ /de bas na phyir mi 'ong ba zhes bya'o/ /phyir mi 'ong ba zhes bya ba ni lus zhes bya ba'i tha tshig go/ /phyir 'ong ba zhes bya ba ni phan tshun 'gro zhes bya ba'i tha tshig go/ /gsol pa/ bcom ldan 'das ci
66a6 lags/ bcom ldan 'das kyis bstan pa la gsang ba mchis sam/ dgongs pa'i tshig dgongs pa'i tshig ces gsang bar mi mdzad du gsol/ bcom ldan 'das ci lags/ sangs rgyas kyi gsung mig 'phrul mkhan gyi 'khrul 'khor dang / sgyu ma mkhan gyis bgyis
66a7 pa'i 'khrul 'khor gyi sgyu ma'i bud med dang 'dra lags sam/ bka' stsal pa/ nga'i bstan pa la ni gsang ba med de/ sangs rgyas kyi gsung ni ston gyi zla ba rgyas pa bzhin du skyon med pa dang / mtshan mas ma btab pa dang / rmongs pa med pa dang / gsang ba dang / gsang chen
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo