| e-texts navigator |
| བོད་ཡིག |
65a1 pa nas rab tu 'byung ba'i de kho na nyid kyi don mthar thug zin bzhin du ya mtshan can thams cad kyi nang du rab tu 'byung ba ston te/ de dag nges par bsgral ba'i phyir ro/ /de bzhin gshegs pa ni rtag tu rang bzhin gyi skur gnas mod kyi/ sems
65a2 can thams cad nges par bsgral ba'i phyir bzo'i gnas thams cad du yang slob dpon byed de/ rig sngags dang gsang sngags dang sprul pa thams cad kyang ston la/ ya mtshan can thams cad kyis rgyags pa dang / nga rgyal bcom nas de dag la shing bal lta bur
65a3 snying po med pa yang dag par ston cing de dag dam pa'i chos la 'dzud par byed pa 'di ni 'jig rten dang 'thun par bya ba yin te/ der sems can lta ba'i 'du shes can rnams kyis sems can 'di ni 'jig rten pa'o snyam du yang dag par shes mod kyi/ de bzhin gshegs
65a4 pa ni 'jig rten pa ma yin gyi/ 'jig rten las 'das pa'i chos gzigs pa yin no/ /'dzam bu'i gling la lar ni 'jig rten dang 'thun par bya bas nges par bsgral bar bya ba'i phyir bran dang bran mor yang ston te sems can rnams kyis bran dang bran mo'o snyam du yang dag
65a5 par shes pa de ni rigs dma' bar ston pa yin no/ /'dzam bu'i gling la lar ni ngas 'jig rten gyi bya ba thams cad bstan te sems can rnams kyis sems can 'di ni 'jig rten lhur byed pa yin no snyam du yang dag par shes so/ /de ltar ston du zin kyang de bzhin gshegs
65a6 pa ni las de byed pa ma yin te 'jig rten thams cad dang 'thun par bya ba ni 'jig rten bsgral ba'i phyir ro/ /de bzhin du byang gi sgra mi snyan dang / shar gyi lus 'phags dang / nub kyi ba lang spyod rnams dang / srid pa nyi shu rtsa lnga dag tu yang 'jig rten pa dang 'thun par bya
65a7 ba'i sgo nas de dang de dag de bzhin du sbyar te/ stong gsum gyi stong chen po'i 'jig rten gyi khams brjod pa yang dpa' bar 'gro ba'i ting nge 'dzin gyi lugs bzhin du sbyar bar bya'o/ /de bzhin gshegs pas bya ba chen po thams cad bstan pa'i phyir yongs su mya ngan las
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo