rKTs

e-texts navigator

Volume

Page

64a₁ 'dzam bu'i gling la lar ni ngas tshangs pa'i gzugs bstan te/ tshangs pa la dad pa'i sems can rnams la bgegs bya ba bstan nas dam pa'i chos la dgod par byed la/ de'i las byed pa yang ma yin te sems can rnams kyis tshangs pa'i bdag po'o
64a₂ snyam du yang dag par shes so/ /de bzhin du lha thams cad kyi gnas su de'i gzugs kyi bgegs byas nas sems can thams cad dam pa'i chos la 'god par byed de/ sems can rnams kyis lha thams cad kyi gnas kyi bdag po'o snyam du yang dag par shes so/ /'dzam
64a₃ bu'i gling la lar ni ngas smad 'tshong ma rnams nges par bsgral ba'i phyir smad 'tshong ma'i khyim du 'gro ba bstan la/ nga la 'dod pa'i nyes pa yang mi skye ste/ chu'i nang gi pad ma bzhin du nga la 'dod pa rnams kyi nyes pas mi gos so/ /nga ni 'dod pa la chags pa'i sems can rnams
64a₄ 'dod pa'i chu bo las nges par bsgral ba'i phyir bzhi mdo dang sum mdo thams cad du yang snang mod kyi de'i las byed pa yang ma yin te/ sems can rnams kyis ni 'di ni yul rgyu ba yin no snyam du yang dag par shes so/ /'dzam bu'i gling la lar ni dmangs mo rnams dam
64a₅ pa'i chos la gzud pa'i phyir nga rol mo'i gnas su 'gro bar byed mod kyi/ nga ni las de byed pa yang ma yin no/ /'dzam bu'i gling la lar ni byis pa rnams nges par bsgral ba'i phyir yi ge slob pa'i sar song ste/ grwa dpon byed cing byis pa rnams slob par byed do/ /'dzam bu'i gling
64a₆ la lar ni sems can de dag bsgral ba'i phyir nga chang 'thung bar byed/ rgyan pos rtse bar byed/ g.yengs pa la dga' bar byed de/ las chen po de dag byed mod kyi/ nga ni las chen po de byed pa yang ma yin la/ sems can rnams kyis ni 'di ni las de byed pa yin no snyam du yang
64a₇ dag par shes so/ /'dzam bu'i gling la lar ni bya rgod dang khwa ta rnams nges par bsgral ba'i phyir nga dur khrod du 'gro bar byed mod kyi/ der nga lta ba'i 'du shes mi 'jug go/ /'dzam bu'i gling la lar ni dam pa'i chos gnas par bya ba'i phyir nga khyim bdag tu yang ston to/ /dam

_{iiif viewer powered by OpenSeadragon}

63b - 64b

Texts on this page