rKTs

e-texts navigator

Volume

Page

63b₁ la ngan sems kyis khrag byung ba dang / dgra bcom pa gsod pa dang / pha ma gsod pa dang / bdag nyid dge 'dun gyi dbyen byed par bstan te sems can rnams kyis kye ma sems can 'di mtshams med pa lnga'i las byed pa yin no snyam du yang dag par shes mod kyi/ nga
63b₂ yang de lta bu'i las byed pa ma yin la lha dang bcas pa'i 'jig rten na yang sus kyang dge 'dun 'byed mi nus so/ /'dzam bu'i gling la lar ni ngas dam pa'i chos spong ba dang / bdag nyid 'dod chen por ston te/ sems can rnams kyis kye ma sems can 'di ni dam pa'i chos spong
63b₃ ba dang 'dod chen pa'o snyam du yang dag par shes la/ 'dod chen pa lta bur bstan pa ni ma 'ongs pa'i sems can rnams kyi phyir te/ 'jig rten pa ni rtag tu 'dod chen pa yin gyi/ sangs rgyas ni 'dod chen pa ma yin no/ /'dzam bu'i gling la lar ni ngas dam pa'i chos 'dzin
63b₄ par bstan te sems can rnams kyis kye ma dam pa'i chos kyi phyogs 'dzin pa'o snyam du yang dag par shes so/ /'di ni sangs rgyas rnams kyi rang bzhin te/ 'di ni chos nyid yin pas ngo mtshar che ba med do/ /'dzam bu'i gling la lar ni nga bdud bgegs byed pa lta bur
63b₅ ston te/ sems can rnams kyis kye ma bdud sdig can snyam du yang dag par shes la/ pad ma chus mi gos pa bzhin du nga la bdud kyi nyes pas mi gos so/ /'dzam bu'i gling la lar ni bud med kyi gzugs kyis 'tshang rgya bar ston te/ sems can yid gnyis za ba
63b₆ rnams kyis bud med 'tshang rgya bar byed do snyam du/ yang dag par shes la/ de bzhin gshegs pa ni rtag tu skyes pa kho na yin bzhin du sems can rnams gdul ba'i phyir gnyi gar yang ston to/ /de bzhin du gzugs du ma'i thabs kyi phyogs la 'jug pa bstan te de
63b₇ dag thams cad kyang 'jig rten dang 'thun par bya ba tsam du zad do/ /'dzam bu'i gling la lar ni ngas 'gro ba bzhi po rnams su skye bar bstan te de'i las byed pa yang ma yin no/ /dud 'gro'i skyes gnas su 'jug pa yang 'jig rten dang 'thun par bya ba tsam du zad do/ /

_{iiif viewer powered by OpenSeadragon}

63a - 64a

Texts on this page