rKTs

e-texts navigator

Volume

Page

63a₁ nga la de dgos pa med do/ /sems can rnams kyis ni mi'i dngos por yang dag par shes te/ sgra gcan zin gyi phar bstan pa dang / zas gtsang ma dang / sgyu 'phrul pha mar bstan pa yang 'jig rten gyi don yin no/ /'jig rten gyi bde ba myong
63a₂ nas nges par byung ste/ nags tshal du rab tu byung ba dang / rgyal po'i bu gau tam zhes bya ba ni 'dod pa dang / 'dod pa ma yin pa dang / bde ba dang / bde ba ma yin pa bye brag phyed par gyur nas mya ngan las 'das pa'i bde ba tshol lo/ /zhes bya ba 'di yang byis pa'i sems
63a₃ can rnams nges par bsgral ba'i phyir ro/ /de bzhin gshegs pa ni 'khrig pa las byung ba ma yin te sgra gcan zin gyi phar gyur par bstan pa dang / rang gi pha ma bstan pa yang 'jig rten dang 'thun par bya ba tsam du zad do/ /lha dang mi dang lha ma yin rnams kyis ni mi'i
63a₄ de bzhin gshegs pa'o snyam du yang dag par shes so/ /rigs kyi bu 'dzam bu'i gling la lar ni nga yang dang yang du yongs su mya ngan las 'da' ba lta bur ston te 'on kyang gtan du yongs su mya ngan las 'da' bas yongs su mya ngan las 'da' bar mi byed do/ /res 'ga' ni sems
63a₅ can rnams kyis de bzhin gshegs pa grongs so snyam du yang dag par shes mod kyi de bzhin gshegs pa ni dus thams cad du rtag pa dang / brtan pa dang / ther zug pa yin te/ yongs su mya ngan las 'da' bar ston pa ni sangs rgyas rnams kyi chos nyid do/ /'dzam bu'i gling la
63a₆ lar ni skye bar ston te sems can rnams kyis skyes so snyam du yang dag par shes so/ /nga ni bskal pa bye ba phrag grangs med pa nas bya ba byas zin mod kyi der yang go 'phang thams cad kyi don thob pa'i mthar thug par bstan te 'di ni 'jig rten dang 'thun par bya ba tsam du zad do/ /
63a₇ 'dzam bu'i gling la lar ni ngas tshul khrims 'chal pa pham pa byung ba lta bur bstan te/ sems can rnams kyis kye ma pham pa byung ba'o snyam du yang dag par shes mod kyi nga ni sngan chad g.yel bar gyur pa med do/ /'dzam bu'i gling la lar ni ngas bdag nyid de bzhin gshegs pa

_{iiif viewer powered by OpenSeadragon}

62b - 63b

Texts on this page