rKTs

e-texts navigator

Volume

Page

62b₁ bcom pa'i bya ba mthar gtugs zin mod kyi byang chub kyi shing drung du rtswa bting ba la 'dug pa dang / bdud 'dul bar bstan pa 'di ni 'jig rten nges par bsgral ba'i phyir te/ bdud pham par byas nas bla na med pa yang dag par rdzogs pa'i byang chub thob bo snyam du sems
62b₂ can rnams kyis yang dag par shes so/ /nga ni bskal pa bye ba phrag grangs med pa nas nyon mongs pa'i rnam pa dang / lha dang rang bzhin gyi bdud pham par byas nas bdud rtsi'i mchog rtogs so/ /ngas ni bshang ba dang / gci ba dang / dbugs rngub pa dang / dbugs
62b₃ 'byung ba'i bya ba ston mod kyi/ nga'i lus la rgyu ba dang / 'thun pa dang / rnam par smin pa med do/ /sems can rnams kyis ni mi dang 'dra'o snyam du yang dag par shes te/ 'di ni 'jig rten dang 'thun par bya ba tsam du zad do/ /sems can rnams kyis nga kha zas za'o
62b₄ snyam du yang dag par shes mod kyi/ nga'i lus la bkres pas nyam chung ba med de 'di ni 'jig rten dang 'thun par bya ba tsam du zad do/ /ngas ni bskal pa bye ba phrag grangs med pa nas shes rab kyi pha rol tu phyin pa bsgrubs te sred pa rnam par spangs kyang nyal ba lta bur ston te/
62b₅ 'on kyang nga'i lus la gnyid dang / skyigs bu dang / klal ba dang / ru shing na ba dang / klad pa na ba rnams med do/ /nyal bar byed pa ni 'jig rten dang 'thun par bya ba tsam du zad do/ /'greng ba dang / 'chag pa dang / mig 'dzums pa dang / rkang pa smyang ba dang / lus kyi spyod lam
62b₆ byed par snang mod kyi/ nga'i lus la de lta bu'i gnod pa rnams med do/ /rkang pa 'khru ba dang / snum gyis byug pa dang / chu spyad pa dang / so shing za ba dang / mig sman gyis skud par snang mod kyi nga'i lus la de lta bu'i gnod pa rnams med do/ /rkang pa pad ma'i 'dab ma'i mdog 'dra ba
62b₇ dang / kha nas ud pa la'i dri 'byung ba dang / mig dpe med par bzang ba de dag kyang 'jig rten dang 'thun par bya ba tsam du zad do/ /sems can rnams kyis ni thams cad mi'i tshul dang 'dra'o snyam du yang dag par shes so/ /phyag dar khrod kyi gos sa las blangs te 'khru ba lta bur snang mod kyi

_{iiif viewer powered by OpenSeadragon}

62a - 63a

Texts on this page