| e-texts navigator |
| བོད་ཡིག |
61a1 bla na med par 'gyur bar bya'o zhes zer te/ sems can rnams kyis ni byis pa btsas ma thag tu gom pa bdun 'dor ba sngon cad bdag gis ma mthong ste/ kye ma bdag gi bu ni lha'i bu zhig go snyam du yang dag par shes so/ /sems can mang po
61a2 gzhan dag kyang ngo mtshar du 'dzin te/ 'on kyang nga ni bskal pa bye ba phrag grangs med pa nas/ byis pa'i dngos po las log pas nams kyang byis par ma gyur te/ nga ni chos kyi sku yin gyi rus pa dang rgyus pa dang sha dang khrag gi lus ma yin la/ byis par 'gyur ba
61a3 yang ston pa 'di ni 'jig rten dang 'thun par bya ba tsam du zad do/ /byang nas langs te lho'i phyogs cha logs su gom pa bdun bor nas 'jig rten thams cad du yon gnas su 'gyur bar bya'o/ /zhes zer ro/ /nub kyi phyogs cha logs su gom pa bdun bor nas/ skye
61a4 ba dang / rga ba dang / na ba dang / 'chi ba rnams spangs te lus kyi tha mar gtug par bya'o zhes zer ro/ /shar phyogs su kha bltas te gom pa bdun bor nas/ sems can thams cad kyi thog mar 'gro bar bya'o/ /zhes zer ro/ /phyogs mtshams rnams su gom pa
61a5 bdun bdun bor nas/ nyon mongs pa rnam pa sna tshogs kyi rang bzhin gyi bdud bcom ste/ dgra bcom pa yang dag par rdzogs pa'i sangs rgyas su 'gyur bar bya'o zhes zer ro/ /steng gi phyogs cha logs su gom pa bdun bor nas myur du nam mkha' bzhin du rung ba ma yin pa'i chos
61a6 thams cad kyis lus mi gos par bya'o zhes zer ro/ 'og gi phyogs cha logs su gom pa bdun bor nas sems can dmyal ba pa thams cad kyi sems can dmyal ba'i me gsad pa'i phyir/ sprin chen po ltar chos kyi char dbab par bya ste/ de dag bde ba dang ldan par bya'o/ /tshul
61a7 khrims 'chal pa rnams la ni ser ba lta bur 'gyur bar bya'o/ /zhes zer ro/ /'dzam bu'i gling la lar ni nga gtsug phud 'cha' bar ston te/ sems can rnams kyis byis pa'i gtsug phud bcas so snyam du yang dag par shes mod kyi/ lha dang bcas pa'i 'jig
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo