| e-texts navigator |
| བོད་ཡིག |
60b1 'das pa chen po zhes bya'o/ /yongs su mya ngan las 'das pa chen po la gnas pa'i byang chub sems dpa' sems dpa' chen po ni sems can thams cad kyis kyang 'di 'dra ba zhig go/ /de 'dra ba zhig go/ /'di ltar byas so/ /'di lta bu zhig byas so/ /
60b2 snyam du shes par mi nus na/ rigs kyi bu khyod kyis de bzhin gshegs pas 'dod pa rnams spyad do/ /sgra gcan zin gyi phar gyur to snyam du shes re skan/ rigs kyi bu gzhan yang deng ngas yongs su mya ngan las 'das pa chen po la gnas nas/ stong gsum gyi stong
60b3 chen po'i 'jig rten gyi khams gang na nyi ma dang / zla ba ther 'bum yod pa dang / 'dzam bu'i gling ther 'bum yod pa'i stong khams dag tu cho 'phrul chen po bstan par bya'o/ /de la stong gsum gyi stong chen po'i 'jig rten gyi khams ni dpa' bar 'gro ba'i ting nge 'dzin gyi
60b4 lugs bzhin du rgyas par sbyar bar bya'o/ /nga ni stong gsum gyi stong chen po'i 'jig rten gyi khams su 'dzam bu'i gling la lar ni yongs su mya ngan las 'das pa chen po byed pa lta bur ston la/ yongs su mya ngan las 'das pa chen por gtan du yongs su mya ngan
60b5 las 'da' bar yang mi byed do/ /'dzam bu'i gling la lar ni ngas pha ma gnyis kyi zla mtshan gyi dus su mngal du skye bar ston te/ de gnyis kyis kyang bdag cag gnyis kyi bur 'gyur ro snyam du yang dag par shes so/ /nga ni bskal pa mang po bye ba phrag
60b6 grangs med pa nas lan 'ga' yang 'khrig pa las ma skyes te/ 'khrig pa las skyes pa'i lus las rgal bas na sha'i lus ma yin gyi chos kyi sku yin no/ /'khrig pa'i mngal du 'jug pa 'di ni 'jig rten dang 'thun par bya ba'i thabs tsam du zad do/ /rigs kyi bu
60b7 'dzam bu'i gling la lar ni nga bu btsa' ba'i pang du bur skye bar yang ston cing / skyed mos tshal gyi gnas su btsa' ba'i bu lta bur gyur te/ skyen par langs nas byang phyogs su kha bltas te/ gom pa bdun bor nas lha dang mi dang lha ma yin dang bcas pa'i 'jig rten gyi
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo