rKTs

e-texts navigator

Volume

Page

5b₁ rnam pa brjod cing gdung gdung skad du dbyangs len to/ /gar thabs kyi sil snyan re re'i mdun du yang me tog dri zhim po sna tshogs rnam par 'tsher ba rnams kyi phye mas rin po che'i skon bu legs par bcos pa gzhon sha can dag gis bkang ba sha stag dang / de ma
5b₂ yin pa'i skon bu mang po blta na sdug pa/ gur gum gyi phye mas bkang ba mang po sha stag thogs so/ /de dag gi mdun du yang bcom ldan 'das dge slong gi dge 'dun gyi 'khor dang bcas pa khyab par 'gyur ba'i zhal zas dag khyer zhing 'dong ngo / /zhal zas de
5b₃ dag kyang bud shing tsan dan dmar po dang / a ga ru dang / thang shing gi me chung ngus btsos pa dang / gang gA'i klung gi chus btsos pa sha stag ste/ skyur ba dang / lan tshwa'i ro dang / mngar ba dang / bska ba dang / tsha ba dang / kha ba'i ro dang ldan pa/ mdangs skyed pa/ phan
5b₄ par 'gyur ba sha stag go/ /sA la zung gi drung gi nyen kor thams cad kyang gser gyi bye ma 'jam pos bdal te/ ga pu sha'i ras dang / snam bu dang / btsos snam dang / dre'u rngog dang / ka ling ka'i ras dang / zab dar 'jam zhing mdog dkar ba rnams kyang bting ngo / /
5b₅ grub pa'i gnas de'i gzhi dpag tshad sum cu rtsa gnyis kho ra khor yug kyang gur gum gyis byugs so/ /bcom ldan 'das dge slong gi dge 'dun dang bcas pa'i seng ge'i khri chen po gser las byas pa/ rin po che sna bdun gyis spras shing snang bar byas pa/ ri rab ltar
5b₆ che zhing 'phang mtho ba dag kyang bshams so/ /g.yogs ma yang de dag gi rkyen du 'tsham pa sha stag gis g.yogs te/ gser gyi dril bu g.yer ka sgra si li li dang / khrol shang gi sgra 'byung ba'i dra ba can gyi yol ba rnams kyis ni bskor/ rgya dar spu sdug yug khyim chen
5b₇ po'i bla re rnams ni bres/ gdugs dkar po rnams kyis ni nyi mtshan bsgribs/ rnga yab dkar po rnams kyis ni g.yabs/ rgyab rten glang po che'i mche ba la chu srin ma ka ra rten pa'i kha nas/ zla ba nya ba'i 'od zer ltar dkar ba'i mu tig gi chun po 'byung zhing spyangs pa dang ldan pa

_{iiif viewer powered by OpenSeadragon}

5a - 6a

Texts on this page