| e-texts navigator |
| བོད་ཡིག |
59a1 do/ /gsol pa/ de bzhin gshegs pa bskal pa grangs med pa bye ba snyed kyis nyon mongs pa'i rgya mtsho nges par rgal ces bgyi ba 'di la gtan tshigs bka' stsal 'tshal lo/ /da ltar mngon sum du de bzhin gshegs pa sgra gcan zin
59a2 gyi ma dang lhan cig tu 'dod pa rnams sten pa dang / sgra gcan zin gyi yab tu gyur par yang bstan te/ de bas na de bzhin gshegs pa ni bskal pa du ma bye ba snyed kyis 'dod pa'i chu bo las nges par rgal ba ma lags so/ /bka' stsal pa/ rigs kyi bu khyod
59a3 de bzhin gshegs pa dgra bcom pa yang dag par rdzogs pa'i sangs rgyas da lta mngon sum du sgra gcan zin gyi ma dang lhan cig tu 'dod pa rnams bsten pa dang / sgra gcan zin gyi yab tu gyur par yang bstan te/ de bas na de bzhin gshegs pa ni bskal pa du ma bye ba
59a4 snyed kyis 'dod pa'i chu bo las nges par rgal ba ma yin no/ /zhes de skad ma zer cig /yongs su mya ngan las 'das pa chen po ni rtag pa chen po zhes bya ste/ sems gud du ma g.yeng bar nyon la thos nas kyang / gzhan dag la ston cig /des skrag par yang ma
59a5 byed cig / yongs su mya ngan las 'das pa chen po 'di la gnas pa'i byang chub sems dpa' sems dpa' chen pos ni ri'i rgyal po ri rab de ltar mtho zhing de ltar thag gru che ba yungs 'bru'i khong du 'jug par byed la/ ri rab la gnas pa'i sems can rnams la yang gnod par
59a6 mi 'gyur te/ sems can de dag gis bdag cag gang du song / gang du khyer/ gang du bcug snyam du mi shes shing mi mthong ngo / /sems can gzhan dag gis ni byang chub sems dpa' sems dpa' chen po 'dis ri'i rgyal po ri rab yungs 'bru'i khong du bcug
59a7 ste sbas so/ /snyam du yang dag par shes shing yang dag par mthong ngo / /de nas yang de rang gi gnas su 'jog par byed de/ mdo chen po 'di la gnas pa'i byang chub sems dpa' sems dpa' chen po'i yul ni de lta bu yin no/ /rigs kyi bu de bas kyang lhag
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo