| e-texts navigator |
| བོད་ཡིག |
58b1 par mi nus te/ de bas na/ yang dag shes dang rnam grol ba/ /'dod pa'i 'dam dang chu bo rgal/ /mi g.yo bde ba thob rnams kyang / /gang du song ba gdags su med/ /gsol pa/ bcom ldan 'das ci lags/ ji ltar lcags grangs par gyur
58b2 kyang slad kyis yang zhugs kyis tsha bar 'gyur ba bzhin du gal te de bzhin gshegs pa yang de dang 'dra bar gyur na ni mi rtag par 'gyur lags so/ /bka' stsal pa/ de bzhin gshegs pa ni rtag ste/ bdag nyid me lta bur gyur nas/ lcags dang 'dra ba'i
58b3 sems can mang po rnams ye shes kyi mes brda sprad nas yang dag pa ma yin pa'i nyon mongs pa rnams zad par mdzad do/ /gsol pa/ bcom ldan 'das legs lags so/ /legs lags so/ /de bzhin gshegs pa'i rtag pa nyid ma lus par bshad du
58b4 gsol/ bka' stsal pa/ rigs kyi bu gzhan yang dper na 'khor los sgyur ba'i rgyal po rang gi btsun mo'i 'khor du song ba las thang cig skyed mos tshal gzhan zhig tu byung ste/ de der song nas/ rtse bar byed pa na gang gi tshe rgyal po de btsun mo'i 'khor nas mi snang
58b5 bar gyur pa de'i tshe shi'o snyam pa'i 'du shes bskyed par mi bya'o/ /rigs kyi bu de bzhin du de bzhin gshegs pa ni chos nyid las nyams par mi 'gyur te/ rgyal po dang 'dra bar 'dzam bu'i gling du de bzhin gshegs pa mi rtag par gyur to/ /zhes grongs pa'i 'du shes
58b6 bskyed par mi bya'o/ /ji ltar rgyal po btsun mo'i 'khor nas skyed mos tshal du song ste rtse ba de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang nyon mongs pa'i rnam pa nyid kyi btsun mo'i 'khor lta bu las nges par 'byung ste/ nyon
58b7 mongs pa med par bcom ldan 'das gzungs sna tshogs dang / byang chub kyi yan lag gi me tog sna tshogs dang ldan pa'i skyed mos tshal du gshegs nas/ de bzhin gshegs pa nyon mongs pa dang bral ba nyid kyi sku'i thabs ston pa sna tshogs kyis rol par mdzad
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo