| e-texts navigator |
| བོད་ཡིག |
58a1 rigs kyi bu mo bcom ldan 'das kyis gsungs pa'i rtag pa 'di la mos nas/ chos kyi sna grangs bzhi po rnams rjod par byed na/ gzhan dag la slu ba ma yin no/ /lcags kyi gar bu me 'bar ba/ /rdung ba'i tshe na khad kyis ni/ /
58a2 grangs par 'gyur yang me yi drod/ /gang du song ba mi rig ltar/ /de bzhin yang dag rnam grol ba/ /'dod pa'i 'dam dang chu bo rgal/ /mi g.yo bde ba thob rnams kyang / /gang du song ba gdags su med/ /yang bka' stsal pa/ rigs kyi bu de ltar khyod
58a3 de bzhin gshegs pa rnams med par 'gyur ba'i 'du shes su lta bas snying mi dgar ma byed cig / lcags dang mdo lcags zhes bya ba ni don tha dad pa ma yin te/ lcags mer 'bar ba las grangs par gyur pa bzhin du/ de bzhin gshegs pa rnams med par
58a4 'gyur ba'i gnas med do/ /lcags mer 'bar ba las grangs pa bzhin du nyon mongs pa'i rnam pa zhi bar 'gyur mod kyi/ gang gi tshe lcags mer 'bar ba grangs par 'gyur ba na/ tsha tsha 'phro ba thams cad dang bcas te med par 'gyur na ni/ de'i tshe de bzhin
58a5 gshegs pa yang mi rtag par 'gyur na/ lcags de 'od dang bcas par med par 'gyur ba ni mi srid do/ /de bzhin du de bzhin gshegs pa yang mya ngan las 'das pa chen po 'di dang bcas te mi rtag par 'gyur ba ni mi srid de/ ji ltar lcags kyi me grangs par
58a6 'gyur ba de bzhin du de bzhin gshegs pa yang bskal pa mang po grangs med pa bye ba snyed du bsags pa'i nyon mongs pa rnams zad nas/ rtag pa dang brtan pa dang ther zug par 'gyur te/ de ltar na yang dag par rnam par grol ba'i de bzhin gshegs pa ni rtag pa dang brtan
58a7 pa dang ther zug pa yin no/ /'dod pa'i 'dam ni nyon mongs pa rnams zhes bya ba'i don te/ nyon mongs pa'i 'dam de las bskal pa grangs med pas rgal bas na/ de'i phyir de bzhin gshegs pa yongs su mya ngan las 'das pa la de bzhin gshegs pa'i gnas gdags
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo