| e-texts navigator |
| བོད་ཡིག |
57b1 bsam gyis mi khyab bo/ /chos bstan pa yang bsam gyis mi khyab bo/ /de bzhin du nyan pa po rnams dang / yid ches pa rnams kyang bsam gyis mi khyab ste/ 'di ni don gyi dmigs byung ba'i dbang zhes bya'o/ /byang chub sems dpa' sems dpa' chen po
57b2 rnams ni don gyi dmigs byung ba'i phyir dang / nga yongs su mya ngan las 'da' ba'i phyir/ chos kyi rnam grangs 'di bzhi'i chos ston par byed de/ yongs su mya ngan las 'das pa chen po'i mdo chen po ni don gyi dmigs byung ba'i dbang zhes bya ba yin par rig
57b3 par bya'o/ /bdag gi lhag pa'i bsam pa zhes bya ba ni deng nga'i lhag pa'i bsam pa bstan pa bshad pas na/ bdag gi lhag pa'i bsam pa zhes bya ba yang yongs su mya ngan las 'das pa chen po'i mdo chen po yin par rig par bya'o/ /gzhan gyi lhag
57b4 pa'i bsam pa zhes bya ba yang ngas dge slong rnams kyi bsam pa rtogs nas nga ni rtag go zhes bstan pas na/ gzhan gyi lhag pa'i bsam pa yang yongs su mya ngan las 'das pa chen po'i mdo chen po yin par rig par bya'o/ /'dri ba'i dbang zhes bya ba yang byang
57b5 chub sems dpa' sems dpa' chen po mchog tu cha phra ba'i ye shes dang ldan pa 'od srung chen po dang rus gcig pa khyod kyi dbang du byas nas/ nyan thos dang rang sangs rgyas thams cad kyis sngon ma thos pa'i tshig yi ge 'bru gcig pa'i thig le'i gtam dgongs pa'i
57b6 tshig gsang ba sna tshogs bstan pas na/ de'i phyir 'dri ba'i dbang yang yongs su mya ngan las 'das pa chen po'i mdo chen po yin par rig par bya'o/ /de la la la zhig 'di ltar na ni slu bar 'gyur la/ 'di ltar na ni slu bar mi 'gyur ro snyam du rtog ste/ dper
57b7 na mi la la zhig nam mkha' zhes kyang zer/ stong pa zhes kyang zer/ ci yang med pa zhes kyang zer/ thogs pa med pa zhes kyang zer te/ de de skad zer na gzhan dag la slu ba ma yin no/ /de bzhin du yongs su mya ngan las 'das pa chen po 'di las rigs kyi bu 'am
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo