| e-texts navigator |
| བོད་ཡིག |
57a1 gyi khyad par gyi phan yon yang dag par gzigs pa/ lha'i yang lha bcom ldan 'das kyis de'i ched du bslab pa'i gzhi bca' ba bstan du gsol/ bka' stsal pa/ 'od srung chen po dang rus gcig pa khyod de bzhin gshegs pa la de skad ma zer cig /
57a2 de bzhin gshegs pa ni yon tan gyi khyad par gyi chos bcu yang dag par gzigs pa yin la/ sems can thams cad la yang sgra gcan zin bzhin du gzigs na/ ji ltar dge slong rnams mnar med par 'gro bar mdzad/ de bzhin gshegs pa ni gal te sems
57a3 can gcig gi rgyu de 'dra ba zhig gzigs na yang / des nges par bsgral ba'i phyir bskal pa'am bskal pa las lhag par yang sems can dmyal bar bzhugs spyod na/ thugs brtse ba dang ldan pa ji ltar nyid kyi sras rnams la slu bar mdzad/ 'od srung chen po dang rus gcig
57a4 pa dper na grong khyer ram ri khrod kyi grong zhig na tha ga pa zhig yod na/ de ni der ras btag pa'i yo byad thags cha gang kha rgal ba 'dor bar byed pa dang / dper na 'khor los sgyur ba'i rgyal po ni thog ma kho nar dge ba bcu'i las kyi lam rnams cig car sbyong bar mi byed kyi/
57a5 sems can gang dang gang chos ma yin pa la sten pa de dang de dag 'khor lo rin po ches btul nas/ dam pa'i chos la 'god pa de bzhin du/ sangs rgyas bcom ldan 'das kyang thog ma kho nar so sor thar pa'i bslab pa'i gzhi cig car 'cha' bar mi mdzad kyi/ dge slong
57a6 gang dang gang gis nyes pa ci dang ci byas pa'i don gyi dmigs byung ba de dang de gleng gzhir mdzad nas/ /bslab pa'i gzhi 'cha' bar mdzad la sems can chos 'dod pa gang yin pa rnams kyis de dang de mthong na yid ches par 'gyur te de dag dpang du 'jog go/ /de ltar na
57a7 shin tu brtag dka' ba'i chos yang dag par gzigs nas tha ga pa dang / 'khor los sgyur ba'i rgyal po'i chos nyid ji lta ba bzhin du/ chos kyi 'khor lo skor ba'i sangs rgyas rnams kyi chos nyid kyang de dang 'dra ste/ de ltar na sangs rgyas bcom ldan 'das rnams
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo