| e-texts navigator |
| བོད་ཡིག |
56b1 pa mang po'i chos kyi nyes pa byung ba dag kyang yod/ rtsod pa zhi bar bya ba bdun gyi nyes pa byung ba dag kyang yod/ rtag tu bslab pa thams cad las 'gal bar byed pa dag kyang yod/ mtshams med pa byed pa dag kyang yod/ mdo sde spong ba dag kyang yod/ 'dod chen po'i
56b2 mthar thug pa'i rgyu'i mtshan nyid rdzogs pa dag kyang yod de/ 'di na dge slong sdig pa'i las byed pa chos thams cad las thal ba de dag gzhan dag gis bskul na yang / bdag nyid mkhas pa yin par mngon pa'i nga rgyal byed cing 'chags par mi byed de/ gsor
56b3 rung ba yang gsungs te/ gsor mi rung bar byed pa dag kyang yod/ kha cig ni ru sbal gyi lus bzhin du sbed pa yang yod de/ de ltar bdag gi nyes pa yun ring du bcabs pa'i nyes pa 'byung zhing sdig pa bsags par 'gyur bas na/ de'i phyir de bzhin gshegs pa thams cad
56b4 mkhyen pa yin pas/ sdig can rnams la gnas re re nas 'dri bar mdzad de/ thog ma kho nar gcig bcas pa na bslab pa'i gzhi thams cad cig car 'cha' bar mi mdzad do/ /gsol pa/ de bzhin gshegs pas mkhyen bzhin du de dag mnar med pa shin tu
56b5 'jigs pa'i sar gtang bar mdzad dam ci lags/ dper gsol na 'dron po dag cig shul du zhugs te shul drang po ma 'tshal ba las/ der shul gcig ni logs shig tu mchi ba lags la/ de dag gis kyang shul bor te log par zhugs shing ma rung bar gyur
56b6 kyang bdag cag ni shul log par zhugs so snyam du ma tshor nas/ 'di ni shul bzang po lags so snyam du 'dzin cing dong la/ phas rgyu ba'i 'dron po yang ma mthong ba de bzhin du chos la rmongs pa'i sems can dam pa'i chos kyi de kho na nyid ma mthong ba rnams la bcom ldan 'das
56b7 kyis thog ma kho nar shul bstan 'tshal ba las sngar nongs pa rngams che chung ma bstan pas dge slong rnams nyes pa rnams kyi nang du ltung bar gyur na/ 'di ltar bcom ldan 'das bden pa'i 'dron po bden pa'i lam gyi khyad par yang dag par gzigs pa/ chos kyi lam gyi yon tan
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo