| e-texts navigator |
| བོད་ཡིག |
54a1 bzhugs te 'di ni gzhan gyi lhag pa'i bsam pa zhes bya'o/ /'dri ba'i dbang zhes bya ba ni 'di na la la zhig de bzhin gshegs pa dgra bcom pa yang dag par rdzogs pa'i sangs rgyas la zhu bar byed de/ bcom ldan 'das ji ltar bgyis na
54a2 bdag gis su la yang ci yang ma stsal bar 'jig rten du sbyin pa por grags pa'i gtam snyan pa thob par 'gyur lags/ de bzhin gshegs pas de la de skad ces bka' stsal to/ /chags pa med pa la bran dang bran mo blang bar stobs shig /gtan du tshangs
54a3 par spyod pa la bu mo'i sbyin pa gyis shig / sha mi za ba la sha zar chug shig /chang mi 'thung ba la chang 'thung du chug shig /dus su za ba la dus ma yin par zas byin cig /me tog phreng dang rgyan mi thogs pa la phye ma dang / spos dang / me tog dang / bdug
54a4 pa rnams byin cig / de dag gi dus shes par gyis la mgron du bos shig dang / khyod kyis de ltar byas na 'jig rten 'dir sbyin bdag gi rgyal po yin no/ /zhes grags pa chen por 'gyur te bsod nams 'phel bar ni mi 'gyur ro// //bam po
54a5 lnga pa/ de nas 'od srung chen po dang rus gcig pas 'di skad ces gsol to/ /sha mi 'tshal ba la gzud pa ni ched cher bgyi ba lags na sha mi 'tshal ba la sha 'tshal du stsal na nongs par mi 'gyur lags sam/ bka' stsal pa/ rigs kyi bu legs so
54a6 legs so/ /khyod kyis nga'i dgongs pa rig ste/ dam pa'i chos srung bas ni de ltar bya dgos so/ /rigs kyi bu da phyin cad nga'i nyan thos rnams sha za bar mi gnang ngo / /yul 'khor gyi bsod snyoms ni bu'i sha dang 'dra'o zhes bya na sha bza' bar ngas ji ltar gnang /
54a7 sha za ba ni byams pa chen po chad par 'gyur ro/ /zhes ngas bstan to/ /gsol pa/ bcom ldan 'das 'o na ji ltar mu gsum yongs su dag pa'i sha bza' bar gnang lags/ bka' stsal pa/ mu gsum yongs su dag pa 'di ni ngas rim gyis bslab pa'i gzhi
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo