| e-texts navigator |
| བོད་ཡིག |
53b1 de'i tshe ni nga yang ro drug dang ldan pa'i kha zas chen po dang 'dra ba'i yongs su mya ngan las 'das pa chen po'i mdo chen po ston to/ /de la ro drug po rnams gang zhe na/ sdug bsngal gyi skyur dang / mi rtag pa'i lan tshwa dang / bdag med pa'i tsha ba dang / bde ba'i
53b2 mngar ba dang / bdag yod pa'i bska ba dang / rtag pa'i kha ba rnams te/ ro drug po 'di rnams nyon mongs pa'i bud shing dang sgyu ma'i mes btsos pa'i zas yongs su mya ngan las 'das pa chen po'i de kho na nyid kyi 'bras chan zhim po nga'i nyan thos rnams za
53b3 bar 'gyur ro/ /che zhe gzhan yang dper na khyod gzhan gyis bos sam/ gzhan gyi gtsug phud bca' ba'i phyir grong gzhan du 'gro bar 'dod pa na bu ngan pa rnams bor te/ bu bzang po rnams blangs nas gter gsang ba rnams ston par byed dam/ bcom ldan
53b4 'das de ni bka' mad de/ bu ngan pa tshul ma mchis pa nor gyi skal ba can ma lags pa de dag la ni bdag nor ston par mi bgyid lags kyi/ bdag ni bu bzang po khyim so 'dzin pa khyim gyi don sgrub pa rdzas bstan par 'os pa de dag la ston par bgyid lags so/ /
53b5 bka' stsal pa/ che zhe de bzhin du gang gi tshe yongs su mya ngan las 'das pa chen por 'gro ba'i bya ba byed pa de'i tshe de bzhin gshegs pa gsang ba sna tshogs kyi dgongs pa'i tshig ma lus par nyan thos rnams la ston te/ der sras rnams la dad pa sbyin par mdzad
53b6 do/ /che zhe dper na khyod byes su song ba na bu ngan pa rnams khyod ma shi bar shi'o snyam du sems sam/ bcom ldan 'das de ni bka' mad do/ /bka' stsal pa/ de nas khyod phyir 'ongs pa de dag gis mthong ba de bzhin du che zheng la mi rtag go snyam du 'du shes ma byed cig /
53b7 deng de bzhin gshegs pa yongs su mya ngan las 'da' bar 'gyur ro/ /zhes shi ba'i 'du shes bzhin du de ltar ma 'dzin cig /gang dag rtag tu de bzhin gshegs pa rtag pa dang / brtan pa dang ther zug pa'o snyam du 'dzin pa de dag gi khyim na ni de bzhin gshegs pa
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo