| e-texts navigator |
| བོད་ཡིག |
53a1 bud med des 'di skad ces gsol to/ /kye ma bcom ldan 'das kyis ni bdag gi sems kyi rtog pa thugs su chud nas lhag chad med par bka' stsal te/ bdag slob tu stsal pa kho na bzhin lags so/ /bcom ldan 'das bdag gis deng byis
53a2 pa la mdzub mo'i thor tos chab mar stsal pa drag par 'gyur te des na 'di ma zhu bar gyur lags so/ /bcom ldan 'das ci lags/ bdag gi khye'u 'di tshe ring bar 'gyur ram/ 'on te tshe thung bar gyur pa bcom ldan 'das de bzhin gshegs pas bstan du gsol/ bka'
53a3 stsal pa/ khyod kyi bu 'di bde ba dang ldan zhing tshe ring bar 'gyur ro/ /de nas bud med de mgu bar gyur nas gsol pa/ khyod kyi bden pa'i tshig gis bdag shin tu mgu lags so/ /de ltar de bzhin gshegs pa ni gdul bar bya ba'i dbang la gzigs shing 'ju ba
53a4 dang mi 'ju ba'i nyams stobs dang sbyar nas chos thams cad bdag med pa dang / sdug bsngal bar ston par mdzad do/ /gal te bcom ldan 'das kyis stobs che chung dang ma sbyar bar sems can rnams la rtag pa'i gsang ba bstan pa lags na chab mar ma zhu ba dang 'dra
53a5 bar sems can rnams chab 'tshal bar 'gyur lags so/ /bka' stsal pa/ che zhe legs so legs so/ /rigs kyi bu mos ni de ltar bya dgos so/ /che zhe gzhan yang gang gi tshe khyod kyi bu gom pa 'dor nus par gyur pa de'i tshe kha zas snum pa gang dang gang byin
53a6 pa de dang de 'ju nus par 'gyur ro/ /bcom ldan 'das de ni bka' mad do/ /bka' stsal pa/ ci dang po'i zas kyis mgu bar 'gyur ram/ gsol pa/ bcom ldan 'das de ni ma lags so/ /bka' stsal pa/ che zhe de bzhin du gang gi tshe nga'i nyan thos rnams kyis
53a7 byis pa chung ngu nyung ngu za ba dang 'dra ba de'i tshe nga mar dang 'dra ba sdug bsngal dang / mi rtag pa dang stong pa dang bdag med pa'i don du ston to/ /gang gi tshe khyod kyi bu skyes pa bzhin du nyan thos chen por gyur te/ stobs cher skyes shing theg pa chen po 'dod par gyur pa
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo