| e-texts navigator |
| བོད་ཡིག |
51b1 de bzhin du sems can rnams kyis mdo thams cad kyi ting nge 'dzin bsgoms zin nas kyang mdo gzhan gyi bcud 'dod par byed la/ mdo 'di'i bcud ni thams cad grub pa'i mthar thug pa dang / 'dis sems can thams cad srid pa thams cad las rgal bar
51b2 'gyur ba yin no/ /rigs kyi bu dper na rjes kyi sna grangs ci yang rung ba de dag thams cad ni glang po che'i rjes kyi khongs su 'du bar 'gyur te/ glang po che'i rjes ni de dag gi nang na mchog ces bya/ rab mchog ces bya/ gtso bo zhes bya ba de bzhin du rigs kyi bu mdo
51b3 'di'i ting nge 'dzin ci yang rung ba de dag thams cad ni yongs su mya ngan las 'das pa chen po kho na'i khongs su 'du bar 'gyur te/ mdo 'di'i ting nge 'dzin thams cad kyi nang na yongs su mya ngan las 'das pa'i mdo chen po mchog ces bya/ rab mchog ces bya/
51b4 gtso bo zhes bya'o/ /rigs kyi bu gzhan yang dper na ston gyi dus su lo tog btab pa ni rmos thams cad kyi mchog ces bya/ rab mchog ces bya/ gtso bo zhes bya ba de bzhin du yongs su mya ngan las 'das pa'i mdo chen po'i rtag pa nyid kyi gshol chen
51b5 pos rmos pa ni mdo thams cad kyi mchog ces bya/ rab mchog ces bya/ gtso bo zhes bya'o/ /de bzhin du thams cad la yang sbyar bar bya ste/ 'dir dkar po'i phyogs kyi thabs dang sbyar ro/ /nyan thos kyi theg pa'i yang dag par ldan pa'i mdo'i
51b6 rnam par dbye ba yang 'dir sbyar bar bya'o/ /rigs kyi bu gzhan yang dper na mkhris pa rgyas pa'i nad kyis thebs pa la ni mar dang / mngar ba brgyad kyi sman 'ba' zhig lhag par phan pa de bzhin du de bzhin gshegs pa'i dgongs pa'i tshig gi mkhris pa rgyas pa'i nad
51b7 kyis zin pa la yang theg pa chen po'i mdo sde dang / mya ngan las 'das pa chen po'i mngar ba brgyad kyi sman 'ba' zhig lhag par phan te/ 'dir mngar ba brgyad gang zhe na/ rtag pa dang / brtan pa dang / ther zug dang / zhi ba dang / bsil ba'i rang bzhin dang / rga
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo