| e-texts navigator |
| བོད་ཡིག |
51a1 gnyis pa'o/ / //rigs kyi bu gzhan yang da ni mdo 'di'i ming dang yon tan dang / tshul yang dag par gzung bar gyis shig /mdo 'di'i ming thos na sems can rnams 'gro ba bzhir 'gro bar 'gyur ba de ni mi srid de/ mdo chen po 'di'i
51a2 yon tan dang tshul sangs rgyas mang pos bstan pa de lta bu ngas bstan par bya'o/ /gsol pa/ byang chub sems dpa' sems dpa' chen po rnams ji ltar mdo 'di'i ming yang dag par 'dzin pa lags/ ji ltar mdo 'di'i ming 'dzin pa'i grangs su gtogs pa
51a3 lags/ bka' stsal pa/ mdo 'di ni yongs su mya ngan las 'das pa chen po zhes bya ste/ tshangs par spyod pa thog mar dge ba/ bar du dge ba/ tha mar dge ba/ don bzang ba/ tshig 'bru bzang ba/ ma 'dres pa/ yongs su rdzogs pa/ yongs su dag pa/
51a4 yongs su byang ba/ rdo rje lta bu'i gter dang che bar grags pa yin no/ /rigs kyi bu dper na gang gA dang ya mu na la sogs pa chu klung brgyad ni rgya mtsho chen po kho nar 'bab pa de bzhin du/ nyon mongs pa rnam pa sna tshogs bye ba snyed kyi rang bzhin gyi bdud la sogs pa bdud thams
51a5 cad las rnam par rgyal ba ni yongs su mya ngan las 'das pa chen po lus 'dor zhing 'chi ba 'di kho na nyid du 'du bar 'gyur te/ de bas na yongs su mya ngan las 'das pa chen po zhes bya'o/ /gzhan yang dper na sman dpyad rig pa gsum la sogs pa'i rig pa rnams
51a6 ni rang rang gi rgyud phyi ma kho nar yongs su 'du bar 'gyur ba de bzhin du de bzhin gshegs pas gsungs pa'i dgongs pa'i tshig gsang ba'i chos kyi sgo rnam pa sna tshogs thams cad kyang yongs su mya ngan las 'das pa chen po kho na'i khongs su 'du bar 'gyur bas na/ de'i phyir yongs su mya ngan las 'das pa chen po zhes bya'o/
51a7 /dper na dbyar gyi dus su zhing pas gshol chen pos rmos te sa bon btab nas sa bon 'grub par 'dod la/ grub nas ni thams cad grub pa'i mthar thug pa de yin pa'i phyir 'dod pa med par 'gyur ba
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo