rKTs

e-texts navigator

Volume

Page

50b₁ chung ngu zhes bya ba ni 'di na la la zhig gis don gyi dmigs byung ba gcig cig byas la/ bslab pa'i gzhi de dam por ma byas pa de bzhin gshegs pas lan gsum gyi bar du gzigs kyang bslab pa'i gzhi gzhan 'cha' bar mdzad de de ni phyir gso ba tshang pa zhes bya ste rngams chung ngu
50b₂ zhes bya'o/ /de yang lhag ma dang bcas pa'i 'dul ba ni btsan par byed do/ /rung ba ma yin pa'i sbyin pa'i phan yon gang las byung ba'i 'dul ba de ni btsan par mi byed do/ /'dul ba la slob par byed do/ /tshul khrims 'chal pa ni tshul khrims spangs la chos gos
50b₃ rnams dang bcas shing gzhi chen po yin no/ /de ni de'i 'dul ba yang btsan par mi byed la gang 'dul ba la snang ba de la de mchog tu chog shes par byed do/ /sangs rgyas kyi gsung rab las rkyen du 'tsham pa ston par byed do/ /de las btus pa de la yang 'dul ba zhes nga zer
50b₄ te/ de ni 'dul ba 'dzin pa yin no/ /yi ge gcig kyang shes te/ gang yi ge gcig shes pa de lta bu ni 'jig rten na 'dul ba 'dzin pa yin te/ 'di ni mdo sde la 'dul ba 'dzin pa zhes bya'o/ /de ltar na de bzhin gshegs pa'i bstan pa ni dpag tu med do/ /de bzhin
50b₅ gshegs pa ni bsam gyis mi khyab bo/ /gsol pa/ bcom ldan 'das de bzhin gshegs pa lta lags kyang bsam gyis mi khyab lags/ rtag pa dang / brtan pa dang / ther zug dang zhi ba lags te bsam gyis mi khyab bo/ /zhes gzhan dag la yang bstan par 'tshal lo/ /
50b₆ bcom ldan 'das kyis bka' stsal pa/ /'od srung chen po dang rus gcig pa legs so legs so/ /de bzhin gshegs pa ni rdo rje ltar mi shigs pa'i sku 'dzin pa la zhugs pa yin te/ de ltar yang dag pa'i lta ba dang / bslab pa la gus par bya'o/ /de bzhin gshegs
50b₇ pa rdo rje ltar mi shigs pa'i sku dang ldan par yang dag par lta ba'i byang chub sems dpa' sems dpa' chen pos ni ji ltar me long gi ngos la rang bzhin gyis gzugs brnyan snang ba de bzhin du don dam pa'i sku gsal bar mthong ngo / /rdo rje ltar mi shigs pa'i sku'i phung po zhes bya ba'i le'u ste

_{iiif viewer powered by OpenSeadragon}

50a - 51a

Texts on this page