| e-texts navigator |
| བོད་ཡིག |
49a1 las 'das so/ /de ltar na dam pa'i chos bsrung ba'i 'bras bu ni dpag tu med de/ 'bras bu rnam par dag pa des na nga yang rma bya mdongs ri mo can mang pos brgyan pa lta bur gyur te/ mi shigs pa'i sku dang chos kyi sku mnyes par gyur to/ /
49a2 'od srung chen po dang rus gcig pas gsol pa/ de bzhin gshegs pa ni rdo la brkos pa'i yi ge bzhin du rtag pa'i sku dang ldan lags so/ /bka' stsal pa/ rigs kyi bu de bas na dam pa'i chos bsrung bar 'dod pas ni dge slong ngam/ dge slong ma 'am/ dge
49a3 bsnyen nam/ dge bsnyen ma gang na yod pa der bsrung bar bya'o/ /dge bsnyen dam pa'i chos bsrung ba'i 'bras bu ni rgya che'o/ /rigs kyi bu de bas na dge slong rnams mtshon cha lag na thogs pa'i dge bsnyen dag gis mdun du bdar ste rgyu bar bya'o/ /theg pa chen po
49a4 'di la ni dge bsnyen gyis bslab pa'i gzhi lnga blang bar mi bya ste/ dam pa'i chos bsrung ba'i phyir lag na mtshon cha thogs shing dge slong rnams bsrung bar bya'o/ /gsol pa ci lags dge slong gang dag de lta bu'i dge bsnyen lag na mtshon cha thogs pa dang lhan cig 'grogs
49a5 shing rgyu ba de dag slob dpon lags sam/ 'on te slob dpon ma lags/ tshul khrims 'chal pa zhes bgyi'am/ 'on te mi bgyi lags/ bcom ldan 'das kyis bka' stsal pa/ rigs kyi bu de bzhin gshegs pa yongs su mya ngan las 'das pa'i 'og tu nang
49a6 'khrug 'byung ba dang / yul bcom pa dag 'byung bar 'gyur te/ dus ngan par gyur pa de'i tshe mu ge'i nyes pas phal cher rab tu 'byung zhing mgo reg tu 'gyur te/ de dag gis dge slong tshul khrims dang / cho ga dang / yon tan dang / spyod pa phun sum tshogs pa dang
49a7 ldan pa dag skrod par 'gyur/ gsod par 'gyur te/ der dge slong tshul khrims dang ldan pa rnams kyis grong dang / grong khyer dang / ri khrod kyi grong dag tu ji ltar rgyu bar bya ste/ de lta bu dag gi dus na dge slong tshul khrims dang ldan pa slob dpon du gyur pa rnams lam du
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo