| e-texts navigator |
| བོད་ཡིག |
48b1 byung ste/ de bran dang / bran mo dang / ba lang dang / ma he la sogs pa rdzas ngan pa 'chang ba log pa'i chos ston pa/ tshul khrims 'chal pa sdang ba'i sems dang ldan pa rnams kyis thos nas bsad pa'i sems bskyed de/ tshul khrims 'chal pa'i phyogs
48b2 rnams gcig tu bsdongs nas mtshon cha sna tshogs lag na thogs te/ dge slong de'i thad du dong ngo / /nga yang de'i tshe rgyal po srid sbyin zhes bya bar gyur te/ rgyal po des gtam de thos nas dam pa'i chos bsrung ba'i phyir dge slong de'i thad du song ste de dag dang
48b3 g.yul bkye'o/ /de nas chos smras pa de la de dag gis ma tshugs so/ /rgyal po de ni ral gri dang / mdung thung kha leb dang / rdo rje rtse gcig pa dang / mda' rnams kyis lus la ma gtsags pa'i sa mtshams yungs 'bru tsam yang med par gyur to/ /de
48b4 nas dge slong des rgyal po de de ltar gyur pa mthong nas legs so zhes smras te/ dam pa'i chos bsrung bas ni de ltar bya dgos so/ /khyod ni chos dpag tu med pa'i skal ba can du 'gyur ro zhes byas so/ /de nas rgyal po des dge slong de'i tshig thos nas shi ba'i
48b5 'og tu de bzhin gshegs pa mi 'khrugs pa'i 'jig rten gyi khams su skyes so/ /der sems can gang rjes su yi rang bar gyur pa rnams dang / g.yul 'gyed 'gyed pa gang yin pa de dag thams cad kyis kyang byang chub thob par gyur to/ /de bzhin gshegs pa mi
48b6 'khrugs pa'i 'jig rten gyi khams mngon par dga' ba zhes bya ba'i 'jig rten gyi khams su de bzhin gshegs pa mi 'khrugs pa'i rnam pa zhes bya ba zhig kyang byung ngo / /dge slong sangs rgyas byin yang rgyal po de shi ba'i rjes la shi nas de bzhin gshegs pa mi 'khrugs pa'i bstan pa
48b7 la nyan thos kyi mchog tu gyur to/ /rgyal po de yang nyan thos gnyis par gyur to/ /de ltar na dam pa'i chos nub pa'i tshe dam pa'i chos bsrung bar bya'o/ /de'i tshe rgyal por gyur pa de ni nga yin no/ /dge slong de ni sangs rgyas 'od srung yin te de ni yongs su mya ngan
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo