rKTs

e-texts navigator

Volume

Page

47b₁ kyi bu dam pa'i chos srung ba'i dge bsnyen gyis ni bslab pa'i gzhi lnga blang bar mi bya'o/ /dge bsnyen gyi 'dul ba yang spyad par mi bya'o/ /tshul khrims dang / cho ga dang yon tan dang ldan pa'i dge slong rnams bsrung ba'i phyir mda' gzhu dang / ral gri dang mdung thung kha leb lag
47b₂ tu thogs par bya'o/ /gsol pa/ dge slong dag las srungs ma dang lhan cig mi 'khod par gcig pu shing drung du stan bting ba la mchis pa gang lags pa de dag ni dge slong zhes bgyi ba lags so/ /srungs ma dang lhan cig 'khod pa gang lags pa de dag ni khyim bdag mgo reg
47b₃ ces bgyi ba lags so/ /bcom ldan 'das kyis bka' stsal pa/ rigs kyi bu khyim bdag mgo reg ces de skad ma zer cig /'di na dge slong la la mal stan sar pa la 'dug cing de zan zos nas gcig pu phyogs gcig na mi smra bar 'dug ste/ bsam gtan byed la
47b₄ lus kyi rang bzhin la yang lta bar byed do/ /sems can 'ongs pa rnams la yang sbyin pa'i gtam dang / tshul khrims kyi gtam dang / bsod nams kyi gtam dang / bsod nams kyi rnam par smin pa'i gtam dang / chog shes pa dang bsnyung ba'i chos ston la/ seng ge'i sgra
47b₅ sgrogs par yang mi byed/ seng ge lta bu'i 'khor yang mi 'chang / rtags can 'chal pa tshar gcad pa'i phyir yang ston par mi byed pa'i dge slong de ni skye bo thams cad la phan pa'i phyir zhugs pa yang ma yin/ bdag la phan pa'i phyir zhugs pa yang ma yin te/ nyon mongs
47b₆ pa zhan pa yin pas tshul khrims dang ldan pa tshangs par spyod pa tsam du zad do/ /dge slong tshul khrims dang ldan pa dge ba'i chos can gzhan zhig nas gzhan zhig na mal stan sar pa la 'dug cing seng ge'i sgra sgrogs te/ sems can thams cad la phan pa dang / bde ba'i
47b₇ phyir gsung rab yan lag dgu mdo sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung

_{iiif viewer powered by OpenSeadragon}

47a - 48a

Texts on this page