rKTs

e-texts navigator

Volume

Page

47a₁ brjod du mi rung ba/ 'jig rten gyi khongs su ma 'dus pa/ rgyu las kyang ma byung ba/ rgyu med pa las kyang ma byung ba/ sku de ni thams cad du rnam par rtog pa dang / rnam par rtog pa med pa'i mtshan nyid rnams dang / mtshan gyi
47a₂ gzhi dang / mtshan dang / bgrang ba dang / bsgre ba rnams kyis rnam par rig par byed mi nus la/ mya ngan las 'da' bar gshegs pa yang ma yin/ mi gshegs pa yang ma yin te/ de bzhin gshegs pa ni yon tan dpag tu med pa dang ldan no/ /'od srung chen po dang
47a₃ rus gcig pa de bzhin gshegs pa'i sku ni de bzhin gshegs pa nyid kyis mtshan ma'i dngos po rnams kyi sgo nas thugs su chud par spyod kyi/ nyan thos dang rang sangs rgyas thams cad kyis ni mi nus so/ /de bzhin gshegs pa de lta bu'i yon tan dang ldan pa sha'i sku
47a₄ ma yin pa la kham pa'i snod bzhin du nad dam/ gnod pa 'am/ 'jig par ga la 'gyur/ /'jig pa dang / na ba dang / mya ngan las 'da' bar ston pa gang yin pa de ni gdul bar bya ba'i dbang gi phyir yin par blta bar bya'o/ /de bas na deng phyin chad de bzhin
47a₅ gshegs pa'i sku rdo rje ltar mi shigs shing mkhregs par yid la gyis shig / gzhan dag la yang sha'i sku ma yin no/ /zhes ston cig /de bzhin gshegs pa ni chos kyi sku yin par khong du chud par gyis shig /'od srung chen po dang rus gcig pas gsol pa/ bcom
47a₆ ldan 'das de ltar na de bzhin gshegs pa yon tan de lta bu dang ldan pa la snyun dang mi rtag pa dang 'jig pa ga la zhig mchis te/ deng slan chad de bzhin gshegs pa ni chos kyi sku ste/ rtag pa dang / brtan pa dang / ther zug pa dang / zhi ba'o zhes gzhan dag la yang
47a₇ bstan par 'tshal na/ rdo rje lta bur mi shigs pa'i sku 'di ji ltar 'grub par 'gyur lags/ sku 'di lta bur rgyu ci las 'grub lags/ bcom ldan 'das kyis bka' stsal pa/ nga'i sku 'di lta bu ni dam pa'i chos srung ba'i bsod nams kyi rgyus grub pa yin no/ /rigs

_{iiif viewer powered by OpenSeadragon}

46b - 47b

Texts on this page