| e-texts navigator |
| བོད་ཡིག |
45b1 ma dag go zhes nga zer ro/ /pha ma gnyis la gzhi gsum rtag par bstan na ni byang chub sems dpa' sems dpa' chen po gsum la skyabs su song ba'i dge bsnyen ces bya ba'i ming khyod kyis thob par 'gyur ro/ /gsol pa/ deng slan chad bdun rgyud kyi
45b2 rigs tshun chad dang / pha ma gnyis la bcom ldan 'das dang / chos dang / dge 'dun rtag go zhes bgyi bar 'tshal lo/ /kye ma sangs rgyas bcom ldan 'das ni bsam gyis mi khyab bo zhes kyang bslab par 'tshal lo/ /gzhan dag la yang bstan
45b3 par 'tshal lo/ /gang dag bdag gis bstan pa ltar mi 'dzin cing mi rtag par smra ba'i sems can ngan pa de dag la ni bdag gis ser ba bzhin du bgyi'o/ /bcom ldan 'das kyis bka' stsal pa/ rigs kyi bu legs so legs so/ /dam pa'i chos
45b4 srung ba'i rigs kyi bus ni de ltar bya dgos te/ rigs kyi bu khyod legs so/ /de ltar na 'tshe ba med pa la zhugs pa yin te/ 'tshe ba med pa'i las kyi 'bras bu chen po des na byang chub sems dpa' sems dpa' chen po rnams tshe yang ring bar 'gyur la/
45b5 tshe rabs kyang dran par 'gyur ro/ /'tshe ba med pa'i phung po'i le'u ste dang po'o// //rigs kyi bu da ni de bzhin gshegs pa rtag pa'i sku dang / mi shigs pa'i sku dang / rdo rje'i sku dang / sha'i sku ma yin pa dang / chos kyi skur ltos
45b6 shig / gsol pa/ gal te de bzhin gshegs pa yongs su mya ngan las 'da' bar mdzad na ni bdag de ltar mi lta lags so/ /gal te yongs su mya ngan las 'da' bar gyur na gzhig tu rung ba'i sku dang / thal ba'i sku dang / sha'i skur blta bar 'tshal lo/ /
45b7 bka' stsal pa/ rigs kyi bu mi'i lta bur sob sob po'i lus dang / gzhig tu rung ba'i lus zhes de skad ma zer cig /'od srung chen po dang rus gcig pa de bzhin gshegs pa ni bskal pa bye ba phrag du ma nas mi shigs pa'i sku dang ldan zhing mi'i lus
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo