| e-texts navigator |
| བོད་ཡིག |
44b1 gnyis sgom pa de dag ni ring po mi thogs pa kho nar nga'i go 'phang dang lhag chad med pa thob par 'gyur ro/ /rigs kyi bu gang gi tshe rtag go zhes bya ba'i yi ge gnyis sgom pa nub par 'gyur ba de'i tshe de bzhin gshegs pa yongs su mya ngan las 'da'
44b2 bar 'gyur te/ de ni sangs rgyas rnams kyi chos nyid do/ /gsol pa/ bcom ldan 'das sangs rgyas rnams kyi chos nyid ces bka' stsal pa de'i don ci lags/ bcom ldan 'das bdag ni chos glengs pa 'di rtogs par 'tshal na/ bcom
44b3 ldan 'das kyis tshig 'di ji lta bu lags pa rgyas par bshad du gsol/ bcom ldan 'das kyis bka' stsal pa/ chos nyid ces bya ba ni lus yongs su 'dor ba ste/ lus yongs su 'dor ba zhes bya ba de ni smad pa'i tshig yin par shes par gyis shig /
44b4 gsol pa/ de bzhin gshegs pas sku bor nas slar yang sku len tam mi len pa bdag zhu lags so/ /bcom ldan 'das kyis bka' stsal pa/ rigs kyi bu de skad ma zer cig /'di ni chos nyid dpyod pa yin te/ rigs kyi bu dper na 'du
44b5 shes med pa rnams la gzugs kyi phung po dang / 'du shes kyi phung po gnyis med na sems can de dag ji ltar gnas/ ji ltar gda'/ ji ltar snang / de dag gi 'du shes ji ltar 'jug ces 'dri ba 'di ni sangs rgyas kyi yul yin no/ /rigs kyi bu
44b6 'du shes med pa'i lha rnams kyi gzugs dang / gnas dang / spyod lam dang / bde ba rnams ji ltar bstan par bya zhes phyin chad de skad ma 'dri shig /'di ni nyan thos dang rang sangs rgyas kyi yul ma yin te/ 'di ni sangs rgyas kyi spyod yul yin no/ /
44b7 rigs kyi bu de ltar na de bzhin gshegs pa'i sku ni sangs rgyas 'ba' zhig gi yul yin gyi/ nyan thos dang rang sangs rgyas kyi yul ma yin no/ /de bzhin gshegs pa gang na gnas pa dang / gang na snang ba ni khyod kyi yul yang ma yin gyis/ sangs
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo