| e-texts navigator |
| བོད་ཡིག |
44a1 bya ba la brtson par bya'o/ /rigs kyi bu de nas ba lang gi lhas de'i skal ba can gyi 'khor los sgyur ba'i rgyal po 'jig rten du byung la/ chom shod pa de dag gis kyang 'khor los sgyur ba'i rgyal po'i bsod nams kyi mthus de ba lang gcig
44a2 kyang med par mi byed do/ /de nas nags na rgyu ba'i chom shod pa de dag gis ba lang gi lhas de bor te 'gro bar 'gyur ro/ /de nas 'khor los sgyur ba'i rgyal po'i khyim bdag rin po ches ba lang gi lhas de nyams su len par 'gyur te/ khyim bdag rin po
44a3 che des rang gi blos ba lang gi lhas de'i 'o ma'i de kho na nyid kyi thabs shes par 'gyur la/ ba rnams kyi 'o ma yang 'khor los sgyur ba'i rgyal po'i bsod nams kyis nyis 'gyur du bzhor yod par 'gyur ba de bzhin du chos kyi 'khor los sgyur ba'i sangs rgyas
44a4 'jig rten du byung nas/ ba lang gi lhas dang 'dra ba'i 'jig rten pa thams cad yongs su 'dzin par mdzad pas na rtag pa'i sgra ni de bzhin gshegs pa 'ba' zhig gi rjes su 'thun gyi/ 'jig rten pa chom shod dang 'dra ba rnams kyis ni sangs rgyas kyi
44a5 sgra dang rtags kyis gnas kyang thob par mi 'gyur ro/ /de bzhin gshegs pa'i nyan thos rnams ni khyim bdag rin po che bzhin du dam pa'i chos kyi ba lang gi lhas nyams su len par byed de/ sems can bsod nams dang ldan pa rnams kyi don du chos
44a6 kyi 'o ma 'jo bar byed do/ /rigs kyi bu rgyu des na de bzhin gshegs pa rtag pa dang / brtan pa dang / ther zug pa yin la/ 'jig rten pa rnams la ni rtag pa'i chos med de/ rtag pa'i sgra de ni de bzhin gshegs pa sangs rgyas rnams 'ba' zhig la
44a7 yod ces nga zer ro/ /de ltar na rigs kyi bu 'am/ rigs kyi bu mo rnams kyis sangs rgyas bcom ldan 'das ni rtag pa'o/ /sangs rgyas bcom ldan 'das ni ther zug pa'o zhes de ltar shes par gyis shig /sems can gang dag rtag ces bya ba'i yi ge
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo