| e-texts navigator |
| བོད་ཡིག |
43b1 'jig rten pa sangs rgyas kyi chos kyi rgyu 'thun pa las byung ba nor dang chos rgyas pa rnams kyang de dang 'dra ste/ gang gi tshe sangs rgyas bcom ldan 'das rnams ba lang gi lhas kyi bdag po bzhin du yongs su mya ngan las 'das pa'i 'og tu 'jig rten pa chom
43b2 shod dang 'dra ba rnams kyis kyang tshul khrims dang / cho ga dang / 'dul ba dang / spyod yul rnams dang / sems can gyi khams rnams gud du bsgyur nas sems can yod do/ /srog yod do/ /gang zag yod do snyam du sems shing thar pa ni 'di lta bu zhig go /
43b3 spyod pa ni 'di lta bu zhig go snyam nas spyod pa dang / sems can dang / thar pa dang / rtag pa dang / de kho na nyid ma shes te/ don gzhan la brtson pas thar pa yang mi thob la/ tshul khrims dang / cho ga dang / spyod yul dang / 'dul ba dang / rtag pa
43b4 dang / de kho na nyid kyang mi rnyed de/ mi rgod kyi mar bzhin du 'jig rten pa rnams kyis chos kyi de kho na nyid mi 'thob la/ de dag sems can tshangs pas sprul pa ni rtag go snyam du 'dzin cing bdag gi ni thar pa yin no snyam du yang 'dzin la/ chom shod pa rnams
43b5 kyi 'o ma bzhin du de kho na nyid ni mi shes so/ /de dag tshangs par spyod pa'i rgyu dang / gzhan gyi chung ma spangs pa'i rgyu dang / pha ma la phu dud byas pa'i rgyus na/ chom shod pa rnams kyi 'o ma ma rung ba'i lhag ma tsam zhig yod pa bzhin du mtho ris kyi bde ba
43b6 cha shas tsam zhig thob ste longs spyod par byed la/ de dag gis pha ma la phu dud bya ba ji lta bu yin pa yang mi shes so/ /gsum la skyabs su 'gro ba ji lta bu yin pa yang mi shes/ gzhan gyi chung ma spang ba ji lta bu yin pa yang mi shes/ rtag pa ji lta bu yin
43b7 pa yang mi shes so/ /de la sangs rgyas kyi sprul pa ni mi rtag pa yin/ pa yin te/ des na 'jig rten pa rnams de bzhin gshegs pa mi rtag go/ /mi brtan no snyam du 'dzin te/ de bas na mi rtag pa'i gnyen por de bzhin gshegs pa rtag go zhes
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo