rKTs

e-texts navigator

Volume

Page

43a₁ lhag par ci ste mi bzhugs kyis/ de bzhin gshegs pa rtag pa dang / brtan pa dang / ther zug pa yin par khong du chud par gyis shig /'jig rten 'di na sprul pa'i lus ni sha'i lus ma yin te/ deng de bzhin gshegs pa dug
43a₂ sman la rton pa'i sku yongs su 'dor bar mdzad do snyam du yang khong du chud par gyis shig / rtag pa dang / brtan pa dang / ther zug ces bya ba'i bstan pa mchog la yang brtson par gyis shig /'od srung chen po dang rus gcig pas gsol pa/ gal te de
43a₃ bzhin gshegs pa rtag pa lags na 'jig rten pa dang 'jig rten las 'das par khyad par ci mchis lags/ 'jig rten pa yang bdag cag gi tshangs pa ni rtag pa ste thog ma'i dus nas byung ba yin no zhes mchi ba dang khyad par ci mchis/ gal te de bzhin
43a₄ gshegs pa rtag pa lags na khyad par ma mchis par 'gyur lags so/ / //bam po bzhi pa/ bcom ldan 'das kyis bka' stsal pa/ rigs kyi bu dper na tshong dpon nam/ khyim bdag gcig la ba lang sna tshogs spu
43a₅ mdog du ma rigs dang rgyud mang po khyu gcig cing lhas gcig pa du ma bye ba snyed yod la/ des ba lang de dag ba lang rdzi'i lag tu gtad de mar zhim po za la/ ba lang rdzi rnams kyang lhas skyong zhing zho dang 'o ma bsrubs pa las phyi zhig na ba lang gi bdag po de
43a₆ rang gi tshe zad nas shi ste/ shi ba'i 'og tu nags na rgyu ba'i chom shod kyis ba lang de dag phrogs nas de dag chung ma med pas rang rang gis 'o ma bsrubs te/ de dag gis bsrubs pa las 'o ma yin pa'i phyir 'o ma de dag las mar gyi dri yang mi bro la zhor yang ma
43a₇ rung / dar bar yang ma rung / pris mar yang ma rung na mar du lta ga la 'gyur te/ 'o ma'i rang bzhin las kyang nyams nas de dag gis de chus bslad de bdag gis mar longs spyad par bya'o/ /bdag gis mar longs spyad par bya'o snyam du sems pa bzhin du

_{iiif viewer powered by OpenSeadragon}

42b - 43b

Texts on this page