| e-texts navigator |
| བོད་ཡིག |
42a1 gcan zin bzhin du gzigs pas/ ma gzigs sam/ kye ma bcom ldan 'das kyis ni dka' ba mdzad mdzad do/ /mi'i ltar brtsis na lo brgya yang mi thub ste/ de bzhin gshegs pa 'di kho na ltar sku tshe thung ba lags na/
42a2 bcom ldan 'das kyis sngon byang chub sems dpa' mdzad pa'i tshe de snyed kyi srog cig bcad lags/ 'di kho na ltar sku tshe thung ba las na de bzhin gshegs pa nyid kyis mchog tu mi bzad pa'i las mdzad lags grang / bcom ldan 'das kyis bka'
42a3 stsal pa/ 'od srung chen po dang rus gcig pa de bzhin gshegs pa dgra bcom pa yang dag par rdzogs pa'i sangs rgyas la 'di kho na ltar ma rgya shig ma rgya shig /de bzhin gshegs pa dgra bcom pa yang dag par rdzogs pa'i sangs rgyas ni mchog tu
42a4 sku tshe ring ngo / /de bzhin gshegs pa dgra bcom pa yang dag par rdzogs pa'i sangs rgyas ni mchog tu brtan pa'o/ /mchog tu zhi ba'o/ /mchog tu ther zug pa'o/ /mchog tu rtag pa'o/ /'od srung chen po dang rus gcig pas gsol pa/ bcom
42a5 ldan 'das ji ltar na de bzhin gshegs pa mchog tu sku tshe ring lags/ bcom ldan 'das kyis bka' stsal pa/ 'od srung chen po dang rus gcig pa dper na chu klung gang gA dang / ya mu na dang / sa ra yu dang / hing gu la la sogs pa chu klung chen po rnams
42a6 dang / chu bran gzhan rnams rgya mtsho chen po kho na'i nang du 'bab pa de bzhin du/ 'od srung chen po dang rus gcig pa lha yul dang sa'i steng gi tshe'i chu klung yod do cog thams cad ni de bzhin gshegs pa'i rgya mtsho kho nar 'bab ste/ de ltar na de bzhin gshegs pa
42a7 mchog tu sku tshe ring ngo / /'od srung chen po dang rus gcig pa gzhan yang 'di ltar chu klung chen po bzhi ma dros pa'i nang nas 'byung ba de bzhin du tshe ring ba'i tshogs thams cad kyang de bzhin gshegs pa las 'byung ngo / /'di ltar rtag pa thams cad kyi nang na ni nam
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo