| e-texts navigator |
| བོད་ཡིག |
41b1 yon tan dang spyod pa bsrung ba'i slad du mi 'dod bzhin du tshar gcod par byas so/ /bcom ldan 'das kyis bka' stsal pa/ de ltar na bu gcig pa'i 'du shes sgom pa yin te/ gang dag de ltar sgom pa de dag gis ni bu gcig pa'i 'du shes
41b2 bsgoms par 'gyur ro/ /de ltar byang chub sems dpa' sems dpa' chen pos sems can thams cad la bu gcig pa'i 'du shes bsgom par bya'o/ /de ltar byas na sems can thams cad la ting nge 'dzin bsgom pa bsgoms par 'gyur ro/ /
41b3 des na mchog tu 'tshe ba med pa dag par 'gyur te/ des na byang chub sems dpa' tshe ring ba dang / mchog tu tshe ring ba dang / tshe rabs dran par 'gyur ro/ /'od srung chen po dang rus gcig pas gsol pa/ sems can thams cad la
41b4 bu gcig pa'i 'du shes bsgoms na byang chub sems dpa' sems dpa' chen po rnams tshe ring bar 'gyur lags sam/ bcom ldan 'das kyis bka' stsal pa/ de lta los kyang mod/ 'od srung chen po dang rus gcig pas gsol pa/ bcom
41b5 ldan 'das dper gsol na gtam rgyud mkhan zhig gis ltad mo pa'i 'khor gyi nang du ma la phu dud bya ba'i rigs pa'i gtam sna tshogs bgyis la/ rang gi khyim du mchis nas mchog tu dka' ba bgyid bgyid pa'i ma la dbyug pa dang / phag dum dang /
41b6 bong ba dang / rdo dag gis gnod pa bgyid pa de bzhin du/ bcom ldan 'das nyid kyis bka' stsal pa/ sems can thams cad la bu gcig pa'i 'du shes bsgoms na byang chub sems dpa' sems dpa' chen po rnams tshe ring ba dang / mchog tu tshe ring
41b7 ba dang / tshe rabs dran pa dang / mi 'chi ba dang / ther zug pa dang / brtan par 'gyur ro zhes gsungs na/ ci'i slad du bcom ldan 'das nyid sku tshe thung lags/ ci slu ba mdzad dam/ 'on te bcom ldan 'das nyid kyis sems can thams cad la sgra
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo