| e-texts navigator |
| བོད་ཡིག |
40a1 pa'i chos sun 'byin pa dag kyang mchis na ci lags/ sems can de lta bu dag la yang bu gcig pa'i 'du shes bsgom par bgyi lags sam/ bcom ldan 'das kyis bka' stsal pa/ 'od srung chen po dang rus gcig pa
40a2 de lta los kyang mod/ nga ni sems can thams cad la sgra gcan zin bzhin du lta'o/ /'od srung chen po dang rus gcig pas gsol pa/ bcom ldan 'das 'o na bsnyen par rdzogs pa'i 'khor dag pa rnams kyis lnga'i gso sbyong la bab pa'i tshe/
40a3 gzhon nu ma drangs pa/ lus ma sbyangs pa/ bsnyen par ma rdzogs pa zhig rtsig pa'i grwa zhig tu yib ste nyan pa na/ ci'i slad du bcom ldan 'das kyis gnang nas gnod sbyin gyi rgyal po lag na rdo rjes rdul zhib mo bzhin phye mar rlags lags/
40a4 kye ma des de bkum pa ni lag na rdo rjes ha cang drags lags so/ /de lta na ci ltar bcom ldan 'das sems can thams cad la sgra gcan zin dang 'dra bar gzigs pa lags/ bcom ldan 'das kyis bka' stsal pa/ rigs kyi bu de skad ma zer
40a5 cig / gzhon nu de ni sprul pa yin te/ dam pa'i chos sun 'byin pa rnams tshar gcad pa dang / bskrad par bya ba'i phyir gnod sbyin gyi rgyal po lag na rdo rjes de ltar bstan par zad kyi/ dam pa'i chos sun phyung yang rung 'dod chen pa yang rung ste
40a6 gsad du mi rung ngo / /rgyu sogs pa'i srog gcod pa ni byed mi phod do/ /rigs kyi bu gzhan yang ji ltar rgyal po 'am/ blon po chen po dag dam pa'i chos sun 'byin pa rlag par byed pa de bzhin du nga ni brlag par bya zhes mi zer mod kyi/ de dag
40a7 nyid kyi chos ma yin pa'i 'bras bu mngon sum du smin par zad do/ /de bzhin gshegs pa thams cad mkhyen pa ni de rnams kyi don du mi 'jigs pa sbyin zhing 'od zer gcig gam gnyis gtong bar mdzad de/ gal te 'od zer des de dag la ma phog na ni
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo