rKTs

e-texts navigator

Volume

Page

39b₁ bsgom par bya'o/ /de ltar bsgoms na 'tshe ba thams cad spong bar 'gyur la/ byams pa chen po dang / snying rje chen po dang / dga' ba chen po dang / btang snyoms chen po dang ldan par 'gyur zhing / srog gcod pa spong bar 'gyur ba dang /
39b₂ chos spyod par 'gyur ro/ /rigs kyi bu gzhan yang sems can dpag tu med pa dag bslab pa'i gzhi la 'god par 'gyur/ dge ba bcu'i las kyi lam la yang 'god par 'gyur ro/ /gal te nus na sems can dmyal ba dang / lha ma
39b₃ yin dang / gshin rje'i 'jig rten dang / dud 'gror skye ba rnams dang / las mi bzad pa byed pa'i sems can rnams nges par bsgral ba'i phyir 'gro ba thams cad kyi rjes su 'jug par byed cing / grol nas gzhan dgrol bar bya'o snyam nas
39b₄ de la 'dzin pa dang dran pa'i sems dang ldan par 'gyur te/ legs par byas pa'i rnam par smin pa dang / rgyu dang 'thun pa des na byang chub sems dpa' sems dpa' chen po rnams mchog tu tshe ring bar 'gyur la/ ye shes kyi dbang phyug tu
39b₅ 'gyur zhing 'chi ba med par 'gyur ro/ /de nas bcom ldan 'das la byang chub sems dpa' sems dpa' chen po 'od srung chen po dang rus gcig pas/ 'di skad ces gsol to/ /bcom ldan 'das byang chub sems dpa' sems
39b₆ dpa' chen pos ci las bsams te sems can thams cad la bu gcig pa'i 'du shes bsgom par bgyi/ bka' stsal pa de'i don ji lta bu lags/ bcom ldan 'das gal te byang chub sems dpa' sems dpa' chen pos sems can thams cad
39b₇ la bu gcig pa'i 'du shes bsgom par bgyi 'tshal na tshig de ni mi 'dod par bgyi ba lags so/ /de ci'i slad du zhe na/ bcom ldan 'das bstan pa 'di la sems can kha cig tshul khrims 'chal pa/ mtshams ma mchis par bgyid pa dang / dam

_{iiif viewer powered by OpenSeadragon}

39a - 40a

Texts on this page