| e-texts navigator |
| བོད་ཡིག |
39a1 sems can thams cad la phan pa'i phyir yon tan ming gcig pa'i tshul thams cad mkhyen pa'i yul 'dri zhing 'dug go/ /de nas bcom ldan 'das la 'od srung chen po dang rus gcig pas 'di skad ces gsol to/ /bcom ldan 'das
39a2 bdag gis ni thams cad mkhyen pa'i yul zhu ba'i rngo mi thogs mod kyi cung zad cig zhu bar 'tshal lo/ /bcom ldan 'das dper gsol na/ sbrang bus gnam dang rgya mtsho'i pha mthar mchi ba 'am/ rgya mtsho'i chab 'tshal ba'i rngo thogs pa de ni mi
39a3 srid lags so/ /bcom ldan 'das de bzhin du bdag ni sbrang bu 'dra la bcom ldan 'das ni nam mkha' dang rgya mtsho dang 'dra zhing ye shes zab mo chos dang ldan pa lags so/ /bcom ldan 'das dper gsol na/ rgyal po'i gtsug gi nor bu dkor
39a4 bas rang gi spyi bos blang ba de bzhin du bdag gis kyang chos bka' stsal pa yang dag par blang bar 'tshal na/ shes rab rgya bskyed pa'i slad du bcom ldan 'das kyis bka' stsal du gsol/ bcom ldan 'das kyis mtshungs pa med pa yongs su bshad
39a5 du gsol/ bdag zhu bar 'tshal lo/ /bcom ldan 'das kyis bka' stsal pa/ rigs kyi bu nyon cig /las gang gis byang chub sems dpa' sems dpa' chen po tshe ring bar gyur pa dang / las gang gis byang chub kyi rgyur 'gyur ba de
39a6 bzung ba'i sems kyis nyon cig dang / las kyi 'bras bu des na byang chub kyi rgyu skye bar 'gyur ro/ /thos nas kyang gzhan dag la ston cig /rigs kyi bu ngas kyang las de byas shing gzhan dag la yang bstan pas bla na med pa yang dag par rdzogs
39a7 pa'i byang chub thob par gyur to/ /rigs kyi bu dper na mi la la zhig bu gcig pa thar bar bya ba'i phyir rgyal po'i btson ra'i nang du 'gro ba de bzhin du/ byang chub sems dpa' tshe ring bar 'dod pas kyang sems can thams cad la bu gcig pa'i 'du shes
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo