| e-texts navigator |
| བོད་ཡིག |
36a1 bdag ni yon tan nyid do/ /bdag ni ther zug pa nyid do/ /bdag ni brtan pa nyid do/ /bdag ni zhi ba nyid do zhes sman pa bzang po'i 'o ma bzhin du/ de bzhin gshegs pa yang de kho na nyid dang ldan pa ston par mdzad de/ de sgom pa
36a2 la 'khor bzhi po rnams kyis brtson par gyis shig / dge slong dag gzhan yang tshul khrims kyi gzhi ma gtogs par the tshom dang som nyi ci dang ci yod pa de dag khyed kyis nga la zhus shig dang / ngas legs par gsungs pas khyed rangs par bya'o/ /
36a3 nga ni bsgom pa thams cad las grol ba dang / rang bzhin gyis stong pa chen po ston te/ dge slong khyed de bzhin gshegs pas bdag cag la rang bzhin gyis stong pa chen po ma bstan to zhes de skad ma zer cig /dge slong dag gzhan yang tshul khrims
36a4 kyi gzhi ma gtogs par the tshom dang som nyi ci dang ci yod pa de dag khyed kyis nga la zhus shig / de nas dge slong de dag gis bcom ldan 'das la 'di skad ces gsol to/ /de bzhin gshegs pa dgra bcom pa yang dag par rdzogs pa'i sangs
36a5 rgyas la zhu ba ni bdag cag gi yul ma lags te/ bdag cag gis rngo mi thogs lags so/ /sangs rgyas bcom ldan 'das kyang bsam gyis mi khyab/ ting nge 'dzin rnams kyang bsam gyis mi khyab/ khyod kyi gdams ngag kyang bsam
36a6 gyis mi khyab pas na/ bdag cag gis zhu ba'i rngo mi thogs lags so/ /bcom ldan 'das dper gsol na/ mi la la rgas shing 'khogs la gtugs pa/ lo brgya nyi shu rtsa drug lon pa/ nad kyis thebs pa/ mal khri la mchis pa'i
36a7 nad pa zhig mchis la/ mi la la zhig gis de'i sug par gter gtams te/ kye mi khyod kyis gter 'di long la gang gi tshe bdag lo bcu 'am/ lo nyi shu na byes nas phyir 'ongs pa dang / de'i tshe 'di bdag la phyir byin cig ces bgyis nas des gtad
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo