rKTs

e-texts navigator

Volume

Page

35b₁ sman pa 'di na re 'o ma de 'dra'o zhes zer na khyed gsher ci yod ces byas so/ /de nas rgyal po dang / grong khyer gyi mi dang / 'bangs thams cad mgu bar gyur nas/ sman pa la mi mtshungs pa'i bsnyen bkur byas nas/ 'o ma'i dpyad la yang sten par
35b₂ byed pa de bzhin du/ dge slong dag de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med
35b₃ pa/ lha dang mi rnams kyi ston pa sangs rgyas bcom ldan 'das sman pa bzang po dang 'dra bar 'jig rten du byung nas/ mu stegs pa sman pa ngan pa dang 'dra ba thams cad kyi thad du gshegs te/ thams cad nges par btul zhing nges par bshig nas rgyal po du ma
35b₄ mgu bar mdzad de/ mu stegs pa rnams tshar gcad pa'i phyir bdag med do/ /sems can med do/ /srog med do/ /gang zag med do zhes gsung ngo / /mu stegs pa rnams kyis bdag bstan pa ni srin bus brkos pa'i yi ge dang 'dra ste/ de'i
35b₅ phyir ngas sems can thams cad la bdag med do zhes bstan pa ston par mdzad do/ /bdag med pa ni sangs rgyas kyi tshig yin no zhes chos kyi bka' 'dogs par mdzad nas/ yang gdul bar bya ba rnams kyi dbang dang / sems can rnams la phan pa'i
35b₆ phyir dus mkhyen par mdzad nas/ chos thams cad bdag med par bstan pa'i skabs de nyid du sman pa bzang po'i bzhin du bdag yod do zhes yang dag par ston par mdzad de/ 'jig rten pa rnams kyi bdag mthe bo tsam dang / khre rgod kyi 'bru tsam zhes bya
35b₇ ba de lta bu ni ma yin no/ /'jig rten pa rnams kyi bdag tu lta ba gang yin pa de lta bu yang ma yin te/ 'dir chos thams cad ni bdag med pa zhes bya'o/ /chos thams cad ni bdag med pa yang ma yin te/ bdag ni de kho na nyid do/ /bdag ni rtag pa nyid do/

_{iiif viewer powered by OpenSeadragon}

35a - 36a

Texts on this page