rKTs

e-texts navigator

Volume

Page

34b₁ khyod kyi yul khams thams cad du bkas btags la/ sngon gyi sman pa de'i 'o ma'i dpyad gang yin pa de ni dug ha la ha la yin gyis/ su sman du 'o ma 'thung ba de mgo bo bcad do zhes bka' gdags par gsol/ de ltar ma bgyis na sems
34b₂ can rnams dus ma yin pa'i 'chi bas 'chi bar 'gyur ro/ /bdag ni 'tsho bar 'gyur ba dang / nad ma mchis par 'gyur bar 'tshal te/ lha bdag ni gsol ba de 'tshal lags so/ /de nas rgyal pos sman pa de la bka' stsal pa/ de lta na gsol
34b₃ ba chung ngu zhig gsol te bka' gdags par bya'o zhes byas nas bka' yang btags so/ /de nas bka' btags pa bzhin du thams cad du lugs su chud par gyur to/ /de nas sman pa des rgyal po de la yang 'di skad ces gsol te/ da dung yang
34b₄ lan gnyis lan gsum gyi bar du de bzhin du bka' gdags par gsol zhes byas nas sman pa des ro mngar ba dang / skyur ba dang / lan tshwa'i ro dang / tsha ba dang / bska ba dang / kha ba rnams kyis mi rnams kyi nad sos par byas so/ /de nas re zhig
34b₅ na rgyal po nad kyis thebs nas sman pa de bkug ste bsgo ba/ nga ni shi la thug gis rgyal po'i rkyen dang 'tsham pa'i gsol ba ci 'dod pa khyod la sbyin no zhes byas so/ /de nas sman pa des rgyal po de la gsol pa/ rgyal po chen po bdag ni du smra ba lags
34b₆ so/ /'o ma ni bdud rtsi lags te/ khyed kyis zhal zas 'o ma dang sbyar ba gsol 'tshal lo/ /de nas rgyal po des sman pa de la bka' stsal pa/ ci khyod mkhris pas myos par byas sam/ 'on te nga slu bar byed dam ci na/ sngar ni 'o ma dug yin zer la da
34b₇ ni 'o ma sman gyi mchog yin no zhes zer/ kye ma sman pa snga ma bskrad pas phung ngo / /des kyang 'o ma'i dpyad bsngags pa las na/ de ni sman pa chen po yin gyis sman pa ngan pa ma yin no/ /khyod kyis 'o ma'i dpyad byas pa ni khyod bdag bskrad pa'i rgyu yin

_{iiif viewer powered by OpenSeadragon}

34a - 35a

Texts on this page