| e-texts navigator |
| བོད་ཡིག |
33b1 thams cad bdag med pa'o/ /thams cad mi rtag pa'o/ /thams cad mi sdug pa'o zhes thams cad kyi mu bzung nas bsgoms shing mang du byas pa gang yin pa de dag thams cad rdzing gi nang gi gyo mo dang gseg ma bzhin du nor cing don med par gyur ta re/
33b2 skyes bu thabs la mkhas pa bzhin du gyis shig /khyed kyis thams cad kyi mu bzung nas gang dang gang bsgoms pa de dang de nyid la bde ba dang / bdag dang / rtag pa dang / sdug pa yod de/ rnam pa bzhi po de dag ni phyin ci ma log pa zhes brjod par
33b3 bya'o/ /de bas na nor bu dang 'dra bar chos kyi de kho na nyid rtag pa'i 'du shes sgoms shig /de nas bcom ldan 'das la dge slong rnams kyis 'di skad ces gsol to/ /bcom ldan 'das kyis dge slong dag chos thams cad ni bdag med pa ste/
33b4 de ltar sgoms shig dang / de ltar bsgom pa rnams kyis ni bdag tu 'dzin pa spong bar 'gyur ro/ /bdag tu 'dzin pa spangs ni mya ngan las 'das pa thob par 'gyur ro zhes bka' stsal lags na/ bka' stsal pa de'i don ji lta bu lags/ bcom
33b5 ldan 'das de bzhin gshegs pas de'i rnam par dbye ba bka' stsal du gsol/ bcom ldan 'das kyis dge slong de dag la bka' stsal pa/ dge slong dag legs so legs so/ /dge slong dag bdag gi the tshom nges par gcod par 'dod pas ni de skad
33b6 ces dri dgos te legs so/ /dge slong dag dper na grong khyer 'ga' zhig na rgyal po shes rab 'chal pa zhig rgyal po byed de/ rgyal po de la sman pa ngan pa zhig bdog la de yang sman pa 'chal pa zhig ste bla nas dbang thang cher dbang la rgyal pos kyang bkur ba zhig yod pa des 'o ma 'ba'
33b7 zhig sman yin par 'dzin la/ nad kyi gzhi ni mi shes nas 'o ma'i dpyad log par zin pa de skye bo thams cad kyi rlung nad kyi sna grangs rnams la yang gtong bar byed/ mkhris pa'i nad rnams dang / bad kan gyi nad rnams la yang gtong bar byed de/ de
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo