| e-texts navigator |
| བོད་ཡིག |
33a1 cing mchis pa'i rngo mi thogs kyis/ khyod nyid kyi slad bzhin du bdag cag kyang yongs su mya ngan las 'da' bar 'tshal lo/ /de nas bcom ldan 'das kyis dge slong de dag la 'di skad ces bka' stsal to/ /dge slong dag khyed de skad
33a2 ma zer cig / dge slong dag ngas 'od srung gi lag tu bstan pa gtad par bya ste/ 'di ni de bzhin gshegs pa dang 'dra bar dge slong rnams kyi rten lta bur 'gyur ro/ /dge slong rnams dang sems can rnams kyi skyabs lta bur 'gyur ro/ /dper
33a3 na rgyal po grong khyer mang po'i mnga' bdag grong khyer gcig tu song ste/ khyim bdag gcig rgyal por dbang bskur ba de bzhin du 'jig rten gyi khams 'dir ngas 'od srung chen po dbang bskur ro/ /dge slong dag khyed kyis sdug bsngal dang / mi rtag pa dang /
33a4 bdag med pa dang / mi sdug pa'i 'du shes ji ltar bsgom zhe na/ dge slong dag dper na so ga'i dus la bab pa na skye bo rnams kyis nags tshal gyi nang du chu bskyil te/ rang rang gi rkyal pa'i yo byad thogs nas chu'i nang du rtse bar byed la/ chu de'i nang du
33a5 gcig gis nor bu rin po che bai dUr+ya rigs dang ldan pa zhig bzhag nas/ bai dUr+ya de 'dod pa'i phyir de dag thams cad kyis rkyal pa rnams bor te/ chu de'i nang du 'dzul nas de'i nang na gyo mo 'am gseg ma ci yod pa dag la nor bu yin snyam ste blangs nas nor bu
33a6 bdag gis rnyed do/ /bdag gis rnyed do zhes zer zhing so so nas steng du byung ste/ rdzing gi 'gram du 'khod nas 'di ni nor bu ma yin no snyam pa'i 'du shes skyes par gyur la/ rdzing bu de'i chu yang nor bu'i 'od kyis zla ba'i 'od bzhin du mdzes par 'dug ste/ de dag
33a7 gis mdzes pa de mthong nas/ e ma nor bu snyam du yon tan gyi 'du shes skye bar 'gyur te/ de dag gi nang nas thabs la mkhas shing yid rno ba gcig gis nor bu de yang dag par rnyed pa de bzhin du/ dge slong dag khyed kyis thams cad sdug bsngal ba'o/ /
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo