| e-texts navigator |
| བོད་ཡིག |
32b1 pa'o/ /rtag pa la mi rtag go snyam du 'du shes pa ni phyin ci log pa'o/ /bdag med pa la bdag tu 'du shes pa ni phyin ci log pa'o/ /bdag yod pa la bdag med par 'du shes pa ni phyin ci log pa'o/ /mi sdug pa la sdug go snyam du 'du shes pa ni
32b2 phyin ci log pa'o/ /sdug pa la mi sdug go snyam du 'du shes pa ni phyin ci log pa ste/ phyin ci log bzhi po 'di dag yang dag par ma shes par khyed kyis bsgom par bya ba bsgoms te mang du byas so/ /khyed kyis bde ba la sdug bsngal bar bsgoms
32b3 so/ /rtag pa la mi rtag pa dang / bdag yod pa la bdag med pa dang / /sdug pa la mi sdug par bsgoms so/ /'jig rten pa rnams la yang bde ba dang / bdag dang / rtag pa dang / sdug pa rnams yod do/ /'jig rten las 'das pa
32b4 rnams la yang bde ba dang / bdag dang / rtag pa dang / sdug pa rnams yod de/ 'di la phan tshun mi 'thun pa yod do/ /yi ge zhes bya ba ni 'jig rten pa zhes bya ba'i tha tshig go /don ces bya ba ni 'jig rten las 'das pa'i ye shes so/ /
32b5 de nas bcom ldan 'das la dge slong rnams kyis 'di skad ces gsol to/ /bcom ldan 'das 'du shes bzhi la sogs pa phyin ci log de bzhin gshegs pas lugs su bzhag pa rnams ni bdag cag gis yun ring mo zhig nas mthong yang mthong /
32b6 bsgoms kyang bsgoms lags na/ da ji ltar 'tshal ba bka' stsal du gsol/ de bzhin gshegs pa bskal pa 'am/ bskal pa las lhag par yang bzhugs su gsol/ de bzhin gshegs pas ci dang ci skad du bka' stsal pa de dang de dag de
32b7 bzhin du bdag cag gis bgyi bar 'tshal lo/ /gal te de bzhin gshegs pa bzhugs su mi gnang na/ bdag cag kyang sbrul gdug pa dang khyim gcig gi nang du lhan cig mchis pa mi 'tshal te/ de bzhin gshegs pa mi bzhugs na tshangs par spyod
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo