| e-texts navigator |
| བོད་ཡིག |
32a1 nyi ma dang / zla ba dang / shing dang / ri rnams mi 'khor bzhin du 'khor bar mthong ba de bzhin du gang dag gis sdug bsngal dang / mi rtag pa dang / bdag med pa'i 'du shes ma bsgoms pa'i sems can 'jig rten pa de dag ni ra ro ba
32a2 dang 'dra bar blta bar bgyi'o/ /bcom ldan 'das bdag cag gis ni yang dag par bsgoms lags so/ /bcom ldan 'das kyis bka' stsal pa/ dge slong dag da ni dpe 'di'i don de ngas bshad par bya'o/ /khyed kyis tshigs su bcad pa'i don
32a3 'di la don ni 'di'o/ /yi ge ni 'di'o zhes gsal bar mi shes te/ ji ltar mi ra ro bas lha khang dang / spo dang / sa gzhi dang / nyi ma dang / zla ba dang / shing dang / ri rnams mi 'khor bzhin du 'khor bar mthong ba de bzhin du 'du shes phyin ci log du mas
32a4 zin cing kun tu rmongs pa rnams bdag go snyam pa dang / rtag go snyam pa dang / bde'o snyam pa dang / sdug go snyam pa'i 'du shes kun tu spyod do/ /de la bdag ces bya ba ni sangs rgyas zhes bya ba'i don to/ /rtag ces bya ba ni chos kyi sku zhes bya ba'i don to/ /
32a5 bde zhes bya ba ni mya ngan las 'das pa zhes bya ba'i don to/ /sdug ces bya ba ni chos kyi tshig so/ /dge slong dag khyed kyis bcom ldan 'das bdag cag gis ni sdug bsngal dang / mi rtag pa dang / bdag med pa'i 'du shes bsgoms lags
32a6 so zhes rgyags pa dang nga rgyal gyis dregs par ma byed cig / de ltar rnam pa gsum bsgoms par gyur na ni nga'i bstan pa la khyed kyis bsgom pa rnam pa gsum bsgoms pa de bsgom pa don med par 'gyur ro/ /sdug bsngal shes par bya ba bsgom pa rnam
32a7 pa gsum po ni khyad par dang khyad par gyi yang khyad par ro/ /sdug bsngal la bde'o snyam du 'du shes pa ni phyin ci log pa'o/ /bde ba la sdug bsngal lo snyam du 'du shes pa ni phyin ci log pa'o/ /mi rtag pa la rtag go snyam du 'du shes pa ni phyin ci log
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo