| e-texts navigator |
| བོད་ཡིག |
31b1 du sdug bsngal rnyed par gyur la/ de nas ngo tsha shes pa'i mi de dag 'bras skyems kyis ra ro ba las sangs pa bzhin cir yang mi rung bar shas cher bsgoms nas sdug bsngal las yang dag par 'da' bar 'gyur lags so/ /gzhan yang e raN+Da la ni
31b2 snying po mchis mi srid pa de bzhin du lus 'di la yang bdag dang / sems can dang / srog dang / gang zag dang / shed las skyes pa dang / shed bu dang / byed pa po mchis mi srid de/ de lta bur bdag cag gis bdag ma mchis pa'i 'du shes
31b3 bsgoms te mang du bgyis lags so/ /dper gsol na phub ma skon pa byed pa snyed bor ba ni cir yang mi gces pa de bzhin du lus 'di la yang bdag ma mchis so/ /dper gsol na kha sral gyi me tog la dri bda' ba ma mchis pa de bzhin du lus 'di la yang
31b4 bdag ma mchis te/ de ltar bdag cag gis bdag ma mchis pa'i 'du shes bsgoms te mang du bgyis lags so/ /bcom ldan 'das kyis kyang dge slong dag chos thams cad ni bdag med pa ste/ de ltar sgoms shig dang / de ltar bsgoms pa rnams
31b5 kyis bdag tu 'dzin pa spang bar 'gyur ro/ /bdag tu 'dzin pa yongs su spangs na mya ngan las 'das pa thob par 'gyur ro zhes bka' stsal te/ bcom ldan 'das de ltar chos thams cad bdag ma mchis pa'i slad du bdag ma mchis pa'i 'du shes bsgoms te mang
31b6 du bgyis lags so/ /gzhan yang ji ltar nam mkha' la bya'i rjes gda' mi srid pa de bzhin du bdag ma mchis pa'i 'du shes bsgoms na lta ba'i rnam pa thams cad dang bral bar 'gyur lags so/ /bcom ldan 'das kyis bka' stsal pa/ bsgom pa de ltar
31b7 bsgom pa khyod kyis shes sam/ dge slong rnams kyis gsol pa/ bcom ldan 'das sdug bsngal dang / mi rtag pa dang / bdag med pa'i 'du shes de ma lags pa bsgoms na ni ji ltar mi ra ro zhing 'khyam pas lha khang dang / spo dang / sa gzhi dang /
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo