| e-texts navigator |
| བོད་ཡིག |
30b1 bzhin du/ bcom ldan 'das mi rtag pa'i 'du shes brten cing bsgoms te mang du bgyis pas 'dod pa'i 'dod chags thams cad zad par 'gyur/ gzugs kyi 'dod chags thams cad zad par 'gyur/ gzugs med pa'i 'dod chags thams cad
30b2 zad par 'gyur/ ma rig pa thams cad zad par 'gyur/ lhag pa'i nga rgyal thams cad ma lus par yang dag par zad par 'gyur ro/ /zhing las thams cad kyi nang na ni ston gyi zhing las mchog tu bstan to zhes bya ba la sogs pa glang po che'i rjes lta
30b3 bu'i mdo las 'byung ba bzhin du rgyas par sbyar ro/ /bcom ldan 'das dper gsol na/ rgyal po 'chi ba'i tshe bdag gi btson ra bsal te/ sems can rnams btson ra'i gnod pas snyon smongs pa las thar bar bgyis nas de'i 'og tu 'chi bar
30b4 bgyid pa de bzhin du/ bcom ldan 'das khyod kyis kyang sems can mi shes pa rnam pa sna tshogs kyi btson rar brubs pa rnams kyis mi shes pa'i 'ching ba rnams bcad nas/ de'i 'og tu yongs su mya ngan las 'da' bar gshegs su gsol/ bcom
30b5 ldan 'das gzhan yang dper gsol na/ sems can 'byung po dang sha za'i gdon gyis brlams pa las/ sman pa chen po dang phrad na 'byung po dang sha za'i gdon rnams kyis thebs pa thams cad las thar bar 'gyur ba de bzhin du/ khyod dang mjal na nyan
30b6 thos kyi tshogs thams cad mi shes pa rnam pa sna tshogs kyi 'byung po dang sha za'i gdon rnams las yongs su thar bar 'gyur la/ shes rab kyi pha rol tu phyin pa nyid khong du chud par bgyid lags so/ /bcom ldan 'das dper gsol na glang po che'i 'dul
30b7 sbyong gi mkhan pos spos kyi glang po che zhags pa chen pos bcings pa las glang po che'i zhags pa de bcad de bros pa de bzhin du/ bcom ldan 'das bdag cag kyang bdag tu 'dzin pa dang / bdag gir 'dzin pa dang / phrag dog dang / dngan 'then dang /
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo